10 வருட தவத்திற்கு கிடைத்த பரிசு.. இரட்டை குழந்தைகளுக்கு தாயான சீரியல் நடிகை.. வாழ்த்தும் ரசிகர்கள்..!!

நடிகை ஜூலி என்ற விசாலாட்சி ஜீ தமிழில் ஒளிபரப்பான சத்யா சீரியல் மூலம் பிரபலமானவர். இவரது நடிப்பிற்கு ஏராளமான ரசிகர்கள் உள்ளனர். நடிப்பு ஒரு பக்கம் இருந்தாலும் டான்ஸராகவும் விசாலாட்சி கலக்குவார். விஜய் டிவியில் ஒளிபரப்பான ஜோடி நிகழ்ச்சிகளில் விசாலாட்சி பங்கேற்றுள்ளார்.

சத்யா, சித்திரம் பேசுதடி உள்ளிட்ட சீயல்கள் விசாலாட்சியில் சின்னத்திரை சினிமா வாழ்க்கையை அடுத்த கட்டத்திற்கு கொண்டு சென்றது. சுமார் 15 ஆண்டுகளுக்கும் மேலாக சின்னத்திரை சீரியல்களில் விசாலாட்சி நடித்து வருகிறார். இவருக்கு கடந்த 10 ஆண்டுகளுக்கு முன்பே திருமணம் ஆகிவிட்டது. ஆனால் குழந்தை இல்லாததால் விசாலாட்சியும் அவரது கணவரும் வேதனையில் இருந்தனர்.

ஏற்கனவே அவருக்கு இரண்டு முறை அபார்ஷன் ஆனது குறிப்பிடத்தக்கது. பத்து ஆண்டுகள் கழித்து கர்ப்பமான விசாலாட்சிக்கு சமீபத்தில் தான் வளைகாப்பு நிகழ்ச்சி கோலாகலமாக நடந்தது. அவரது வளைகாப்பு நிகழ்ச்சியில் சீரியல் நடிகர்களும் நடிகைகளும் கலந்து கொண்டு வாழ்த்து தெரிவித்தனர்.

இந்த நிலையில் விசாலாட்சிக்கு நேற்று இரட்டை குழந்தைகள் பிறந்துள்ளது. அதில் ஒரு ஆண் குழந்தை, ஒரு பெண் குழந்தை. இது பற்றி விசாலாட்சி தனது சமூக வலைதள பக்கத்தில் பதிவிட்டு தங்களுக்காக வேண்டிக் கொண்டவர்களுக்கும், ஆசிர்வாதம் செய்தவர்களுக்கும் நன்றி என பதிவிட்டுள்ளார்.அதனைப் பார்த்த ரசிகர்கள் விசாலாட்சிக்கும் அவரது கணவருக்கும் வாழ்த்து தெரிவித்து வருகின்றனர்.