திடீர் ஷாக்..! “திமுகவிலிருந்து விலகுகிறேன்” அதிகாரபூர்வமாக அறிவித்தார் விஜய்யின் முன்னாள் மேலாளர் பிடி செல்வகுமார்..!!

நடிகர் விஜய்யின் முன்னாள் மேலாளரும், திமுக மாநில வர்த்தக அணி துணைச் செயலாளருமான பி.டி. செல்வகுமார், திராவிட முன்னேற்றக் கழகத்திலிருந்து விலகுவதாக அதிரடியாக அறிவித்துள்ளார். கட்சிப் பணிகளில் தீவிரமாக ஈடுபட்டு வந்த அவர், தற்போது திமுகவின் அனைத்துப் பொறுப்புகளிலிருந்தும் விடுவித்துக் கொள்வதாகத் தெரிவித்துள்ளார். அரசியல் களத்தில் தனக்கான அங்கீகாரம் மற்றும் அதிகாரத்தைப் பெறுவதில் காலதாமதம் ஏற்படுவதால் இந்த முடிவை எடுத்துள்ளதாக அவர் குறிப்பிட்டுள்ளார்.

தமது விலகல் குறித்துப் பேசிய பி.டி. செல்வகுமார், “காலம் எனக்கு அதிகாரம் அளிப்பதைத் தள்ளிப்போடுகிறது; எனவே கன்னியாகுமரி மாவட்ட மக்களின் வேண்டுகோளுக்கு இணங்க, மீண்டும் ‘கலப்பை மக்கள் இயக்கம்’ மூலம் எனது மக்கள் பணியைத் தொடரவுள்ளேன்” என்று கூறியுள்ளார். கட்சி அரசியலைத் தாண்டி, தனது சொந்த இயக்கத்தின் வாயிலாகச் சமூக சேவைகளிலும், குமரி மாவட்ட மக்களின் நலத்திட்டங்களிலும் முழுவீச்சில் கவனம் செலுத்தப்போவதாக அவர் தனது அறிக்கையில் தெளிவுபடுத்தியுள்ளார்.