தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. ஒரு பக்கம் கூட்டணி பேச்சுவார்த்தை மறுபக்கம் தேர்தல் பிரச்சாரம் என தேர்தல் களம் சூடுபிடிக்க தொடங்கிவிட்டது. அதிமுக மற்றும் திமுக இடையே மட்டும்தான் போட்டி என்ற நிலை மாறி தற்போது விஜயும் களத்தில் இறங்கியுள்ளதால் 2026 தேர்தல் களம் பரபரப்பாக பார்க்கப்படுகிறது. அதேசமயம் விஜயை தங்கள் பக்கம் இருக்கும் முயற்சியில் அதிமுக மற்றும் பாஜக ஆகிய கட்சிகள் தீவிரம் காட்டி வருகின்றன.
இந்நிலையில் நான் இப்போது தமிழக வெற்றிக்கழகம் கட்சியில் இருக்கலாம் ஆனால் இரண்டு ஆண்டுகளுக்கு முன்பு வரை எந்த கட்சியிலும் இல்லை என்று SA சந்திரசேகர் தெரிவித்துள்ளார். பெரியார், அண்ணாதுரை மற்றும் கருணாநிதி ஆகியோரை தனக்கு பிடிக்கும் என்றும் கூறியுள்ளார். என் ரத்தம் விஜய், எதற்காகவும் பயப்படத் தேவையில்லை என்றும் தெரிவித்துள்ளார். தந்தை மகன் இடையே முரண்பாடு இருப்பதாக கூறப்பட்ட நிலையில் முதல் முறையாக தான் தமிழக வெற்றிக்கழகம் கட்சியில் இருப்பதாக SAC கூறியுள்ளது அரசியல் வட்டாரத்தில் கவனம் ஈர்த்துள்ளது.