என்னை வச்சு ஒன்னுமே எடுக்க மாட்டேங்குற?… ரமணா ஷூட்டிங்கில் முருகதாஸிடம் கடுப்பான கேப்டன் – இறுதியில் நடந்த டிவிஸ்ட்!

தமிழ் சினிமாவில் 20 ஆண்டுகளுக்கும் மேலாக முன்னணி நடிகராக இருந்தவர் நடிகர் விஜயகாந்த். 2005 ஆம் ஆண்டுக்குப் பிறகு அவர் அரசியலில் கவனம் செலுத்தியதால் படங்களில் அதிகமாக நடிக்கவில்லை. ஆனாலும் 2000க்கு பிறகே அவர் பெரிய ஹிட் படங்கள் எதையும் கொடுக்கவில்லை. அவர் கடைசியாகக் கொடுத்த ஹிட் படம் என்றால் அது ஏ ஆர் முருகதாஸ் இயக்கிய ரமணா திரைப்படம்தான்.

ஆனால் ரமணா படத்தின் ஷூட்டிங்கின் போது இயக்குனர் முருகதாஸின் வேலைப்பாணியில் அதிருப்தி ஏற்பட்டு விஜயகாந்த் அவரிடம் கோபத்தை வெளிப்படுத்தியுள்ளார். ரமணா படத்தின் படப்பிடிப்பு கிட்டத்தட்ட 100 நாட்கள் நடைபெற்றுள்ளது. ஆனால் விஜயகாந்தை வைத்து வெறும் 45 நாட்கள் மட்டுமே ஏ.ஆர். முருகதாஸ் ஷூட்டிங் செய்தாராம். அதிலும், காலை 8 மணிக்கு படப்பிடிப்பு என்றால் மதியம் 1 மணியுடன் ஷூட்டிங் ஓவர் என விஜயகாந்தை அவர் அனுப்பி விடுவாராம்.

அதே போல நைட் ஷூட்டிங்கின் போது 7 மணிக்கு ஆரம்பித்தால் 10 அனுப்பிவிடுவாராம். இப்படி ஒருநாள் அவரிடம் சொன்ன போது கேப்டன் கடுப்பாகி ’நீ என்ன வச்சு என்னதான் எடுக்குறன்னே எனக்கு  தெரியல” என கோபத்தை வெளிப்படுத்தும் விதமாக பேசியுள்ளார். முருகதாஸ் அவருக்கு எவ்வளவோ விளக்கி சொல்லியும் அவருக்கு கோபம் குறையவில்லையாம். ஏனென்றால் விஜயகாந்த் அதுவரை நடித்த படங்களில் எல்லாக் காட்சிகளிலும் அவர் வருவது போலதான் இயக்குனர்கள் எடுத்துள்ளார்கள். அதனால் முருகதாஸ் ஸ்டைல் அவருக்கு பிடிபடவில்லை.

ஆனாலும் ஷூட்டிங்கை முடித்துக் கொடுத்துள்ளார். படத்தின் எல்லா பணிகளும் முடிந்து  ஒட்டுமொத்த படத்தையும் விஜயகாந்துக்கு போட்டுக் காட்டியுள்ளார். அப்போதுதான் விஜயகாந்துக்கு திருப்தி ஏற்பட்டுள்ளது. ஹீரோ எல்லா சீன்லையும் வரணும்னு அவசியம் இல்லை. ஹீரோவை ஒளித்து வைத்தும் படத்தை ஹிட் கொடுக்கலாம் என்று புரிந்து கொண்டு முருகதாஸை அழைத்துப் பாராட்டினாராம். படமும் வெளியாகி அதிரி புதிரி ஹிட்டானது நாம் அறிந்ததே.