ஒருபக்கம் வடிவேலுவை திட்டிவிட்டு மறுபக்கம் அவருக்காக நடிகரின் மனைவியிடம் மன்னிப்பு கேட்ட விஜயகாந்த்… அப்படி என்ன நடந்தது…?

தமிழ் சினிமாவில் முன்னணி நடிகராக புகழ் பெற்ற நடிகராக இருந்தவர் விஜயகாந்த். அது மட்டுமல்லாமல் தமிழ் நாட்டின் எதிர்க்கட்சி தலைவராகவும் பதவி வகித்து வந்தார். மதுரையில் இருந்து சினிமா ஆசையோடு சென்னைக்கு குடி பெயர்ந்தவர் விஜயகாந்த். ஆனால் அவரின் கருமை நிறமும் தோற்றமும் அவருக்கு அவ்வளவு எளிதாக சினிமாவில் வாய்ப்பு கிடைத்துவிடவில்லை.

ஆரம்பத்தில் பல நிராகரிப்புக்கு பிறகுதான் அவருக்கு சினிமாவில் நடிக்கும் வாய்ப்பு கிடைத்தது. கிடைத்த வாய்ப்பை சரிவர பயன்படுத்திய விஜயகாந்த் வைதேகி காத்திருந்தாள் போன்ற பல வெற்றி படங்களில் நடித்து பிரபலமானார். அது தவிர அவரது நண்பர் ராவுத்தருடன் இணைந்தார். ராவுத்தர் பிலிம்ஸ் தயாரித்த பல திரைப்படங்களில் விஜயகாந்த் நடித்திருந்தார்.

கேப்டன் பிரபாகரன், ஆனஸ்ட்ராஜ் போன்ற போலீஸ் கதாபாத்திரம் கொண்ட படங்களில் நடித்து புகழ்பெற்றார் விஜயகாந்த். கூர்மையாக பார்க்கும் அவரது கண் மிகவும் பிரபலமானது. இது மட்டுமல்லாமல் விஜயகாந்த் மிகவும் நல்ல மனம் கொண்டவர். அனைவருக்கும் உதவுபவர். தன்னை தேடி வருபவர்கள் சாப்பாடு இல்லாமல் அனுப்பவே மாட்டார். எல்லோரையும் சாப்பிட வைத்து அனுப்புவார்.

அதுமட்டுமல்லாமல் திறமையானவர்களுக்கு சினிமாவில் வாய்ப்பு வாங்கி தந்து ஊக்குவித்தவர் விஜயகாந்த். அப்படி விஜயகாந்த் வாய்ப்பு வாங்கி கொடுத்து முன்னுக்கு வந்தவர்தான் வடிவேலு. வடிவேலு முன்னேற தடையாக இருந்த காலத்தில் அவருக்கு ஆதரவளித்து சினிமாவில் நல்ல வாய்ப்புகளை பெற்று தந்தவர் விஜயகாந்த். ஆனால் பின்னாளில் வடிவேலுவே விஜயகாந்த்தை மறந்து போனது வேறொரு கதை.

அப்படி ஒரு முறை விஜயகாந்த் வடிவேலுக்காக மன்னிப்பு கேட்டிருக்கிறார். அந்த சம்பவம் என்னவென்று இனி காண்போம். வடிவேலுடன் பல திரைப்படங்களில் நடித்தவர்தான் காமெடி நடிகர் ஜெயமணி. அப்போது ஒரே ஒரு விஷயத்துக்காக வடிவேலு போன் செய்து ஜெயமணியை மிரட்டி இருக்கிறார். உடனே இதை விஜயகாந்த் அவர்களிடம் கூறியிருக்கிறார் ஜெயமணி. வடிவேலுக்கு போன் செய்து என்ன மெரட்டிட்டு இருக்கியாமே என்று திட்டியிருக்கிறார். அதே பக்கம் ஜெயமணி மற்றும் ஜெயமணியின் மனைவியிடமும் போன் செய்து வடிவேலு இப்படி செய்ததற்காக நான் மன்னிப்பு கேட்டுக்குறேன் என்று கேட்டிருக்கிறார் விஜயகாந்த். அப்படி ஒரு தங்க மனசுக்கு சொந்தக்காரர் தான் விஜயகாந்த்.