இது என்ன கிளைமாக்ஸ் ட்விஸ்ட்?…. விஜய்க்கு இப்படி ஒரு நெருக்கடியா?…. சங்கீதாவின் ‘சர்ப்ரைஸ்’ அட்டாக்….!

தமிழக அரசியலில் பெரும் எதிர்பார்ப்புகளுடன் களம் இறங்கியிருக்கும் நடிகர் விஜய்க்கு, தற்போது அவரது சொந்த வாழ்க்கையில் ஏற்பட்டுள்ள சிக்கல் பெரும் சவாலாக மாறியுள்ளது. வரவிருக்கும் தேர்தலை மனதில் கொண்டு, ‘பெர்ஃபெக்ட் ஃபேமிலி மேன்’ என்ற பிம்பத்தை வெளிப்படுத்தி பெண்களின் வாக்குகளைக் கவரும் முயற்சியில் விஜய் தீவிரமாக இருந்தார். தனிப்பட்ட வாழ்க்கை சர்ச்சைகளைத் தேர்தலுக்குப் பிறகு கவனித்துக் கொள்ளலாம் என்பதே அவரது திட்டமாக இருந்தது.

இருப்பினும், விஜய்யின் இந்தத் திட்டத்திற்கு அவரது மனைவி சங்கீதா எதிர்பாராத ஒரு முட்டுக்கட்டையை ஏற்படுத்தியுள்ளார். தேர்தல் நெருங்கும் இக்கட்டான நேரத்தில் விவாகரத்து தொடர்பான விவகாரங்களை பொதுவெளியிலும், நீதிமன்றத்திலும் கொண்டு சென்றது விஜய்யைத் திகைக்க வைத்திருக்கிறது. குடும்பப் பிரச்சனைகள் பொது விவாதமானால் அது தனது அரசியல் பிம்பத்தையும், குறிப்பாகப் பெண்கள் வாக்கு வங்கியையும் பாதிக்கும் என்பதை சங்கீதா சரியாகக் கணித்துச் செயல்பட்டிருப்பதாகக் கருதப்படுகிறது.

இந்தச் சூழல் விஜய்யை கடும் மன அழுத்தத்திற்கும் கோபத்திற்கும் தள்ளியுள்ளது. தனது நீண்ட கால உழைப்பும் அரசியல் திட்டமிடலும் ஒரு குடும்பச் சிக்கலால் சறுக்குவதைக் கண்டு அவர் மிகுந்த அதிருப்தியில் இருப்பதாக பனையூர் வட்டாரங்கள் தெரிவிக்கின்றன. “எதிரிகளை வீழ்த்தத் துடிக்கும் ஒரு நபர், தனது சொந்தக் குடும்பத்தையே கையாள முடியவில்லையா?” என்ற விமர்சனத்தை மக்களிடையே விதைப்பதில் சங்கீதாவின் இந்த அதிரடி நடவடிக்கை வெற்றி பெற்றுள்ளதாகப் பார்க்கப்படுகிறது.

வீட்டுப் பிரச்சனையும் அரசியல் களமும் ஒன்றாகப் பின்னிப் பிணைந்துள்ள இந்த இக்கட்டான சூழலில், விஜய் இந்தச் சவாலை எவ்வாறு எதிர்கொண்டு தேர்தல் களத்தில் ஜொலிக்கப் போகிறார் என்பது தற்போதைய பேசுபொருளாக உள்ளது. ஒரு பக்கம் அரசியல் கனவு, மறுபக்கம் குடும்பச் சிக்கல் என விஜய் சிக்கித்தவிக்கும் இந்தச் சூழல், வரவிருக்கும் தேர்தல்களில் எந்த மாதிரியான தாக்கத்தை ஏற்படுத்தும் என்பதுதான் அனைவரின் மில்லியன் டாலர் கேள்வியாக உள்ளது.