ராமதாஸின் 5 சீட் டிமாண்ட்… மாம்பழம் சின்னத்திற்கு செக் வைத்த பாஜக?…. பாமகவில் திடீர் திருப்பம்…. அதிரடி முடிவில் அன்புமணி….!

தமிழக அரசியல் களத்தில் வரும் தேர்தல் சூழல் மிகுந்த பரபரப்பை ஏற்படுத்தியுள்ளது. குறிப்பாக, பாமக நிறுவனர் ராமதாஸ் அவர்கள் என்டிஏ கூட்டணியில் இணைவது தொடர்பாகப் பல்வேறு முக்கிய நிபந்தனைகளை விதித்துள்ளதாகத் தகவல்கள் தெரிவிக்கின்றன. கூட்டணியில் இணைந்தால், தங்கள் வேட்பாளர்கள் கட்டாயமாக ‘மாம்பழம்’ சின்னத்தில்தான் போட்டியிடுவார்கள் என்பதில் அவர் உறுதியாக இருப்பதாகக் கூறப்படுகிறது.

பாமகவில் ராமதாஸ் தரப்பு மற்றும் அன்புமணி ராமதாஸ் தரப்பு என கடந்த ஒன்றரை ஆண்டுகளாக நிலவி வரும் கருத்து வேறுபாடுகள், தேர்தல் நேரத்தில் ஒரு பெரிய விவாதப்பொருளாக மாறியுள்ளது. தற்போது அன்புமணி தலைமையிலான பாமக என்டிஏ கூட்டணியில் இணைந்துள்ள நிலையில், ராமதாஸ் தரப்பையும் அதே கூட்டணிக்குள் கொண்டுவருவதற்கான முயற்சிகளை பாஜக முன்னெடுத்து வருகிறது.

இந்தச் சமரசப் பேச்சுவார்த்தையில், ஸ்ரீகாந்தி, ஜி.கே. மணி, அருள் உள்ளிட்ட தமக்கு நெருக்கமான ஐந்து பேருக்குக் கட்டாயம் தேர்தலில் போட்டியிட வாய்ப்பு வழங்க வேண்டும் என்ற கோரிக்கையை ராமதாஸ் முன்வைத்துள்ளார். இந்தப் பிரதான நிபந்தனைகளை ஏற்றுக்கொண்டால் மட்டுமே, அடுத்தகட்டமாகத் தொகுதிப் பங்கீடு குறித்துப் பேச முடியும் என அவர் தரப்பில் திட்டவட்டமாகக் கூறப்பட்டுள்ளதாகத் தெரிகிறது.

ராமதாஸின் இந்த நிபந்தனைகளுக்கு அன்புமணி தரப்பும் சம்மதம் தெரிவித்துள்ளதாகத் தகவல்கள் வெளியாகி உள்ளன. இதன்காரணமாக, நீண்டகாலமாக நீடித்து வந்த பாமகவின் இரு பிரிவினருக்கும் இடையிலான மோதல் முடிவுக்கு வந்து, விரைவில் அவர்கள் ஒரே குடையின் கீழ் இணைய அதிக வாய்ப்புள்ளதாக அரசியல் வட்டாரங்கள் சுட்டிக்காட்டுகின்றன. இது வரும் தேர்தலில் என்டிஏ கூட்டணியின் வலிமையை மேலும் அதிகரிக்கும் என எதிர்பார்க்கப்படுகிறது.