“60 சீட் vs 40 சீட்”…. அதிமுக கூட்டணியில் விஜய்?…. எடப்பாடி வைத்த அதிரடி ‘ட்விஸ்ட்’…. பின்னணியில் நடக்கும் டெல்லி டீலிங்….!

தமிழக அரசியல் களம் தற்போது மிகுந்த பரபரப்புடன் காணப்படுகிறது. வரவிருக்கும் சட்டசபை தேர்தலில் திமுகவின் பிரம்மாண்ட கூட்டணியை எதிர்கொள்ள, அதிமுக தனது கூட்டணியை மேலும் பலப்படுத்த வேண்டிய கட்டாயத்தில் உள்ளது. இந்த சூழலில், நடிகர் விஜய் தலைமையிலான தவெக-வை (தமிழக வெற்றிக் கழகம்) தங்கள் கூட்டணிக்குள் கொண்டு வர தீவிர முயற்சிகள் நடைபெற்று வருவதாக தகவல்கள் வெளியாகி உள்ளன.

அதிமுக-பாஜக கூட்டணியில் தவெக-வை இணைக்க டெல்லி மட்டத்தில் பேச்சுவார்த்தைகள் நடந்து வருவதாக திருச்சி சூர்யா தெரிவித்துள்ளார். இந்த கூட்டணி பேச்சுவார்த்தையில், தவெக தரப்பில் 60 தொகுதிகள் வரை எதிர்பார்க்கப்படும் நிலையில், எடப்பாடி பழனிசாமி தரப்பு 40 தொகுதிகளை ஒதுக்க முன்வந்துள்ளதாக கூறப்படுகிறது. இளைஞர்கள் மற்றும் முதல் தலைமுறை வாக்காளர்களின் ஆதரவு தவெக-வுக்கு இருப்பதால், அவர்களை இணைப்பது தேர்தலில் முக்கிய திருப்புமுனையாக அமையும் என அதிமுக தலைமை கருதுகிறது.

திமுகவின் வலுவான கூட்டணியையும், அவர்கள் செயல்படுத்தி வரும் பல்வேறு மக்கள் நலத்திட்டங்களையும் முறியடிக்க, வலுவான மாற்று அணி தேவை என்பதை அதிமுக உணர்ந்துள்ளது. ஒருவேளை இந்த தேர்தலில் திமுக மீண்டும் வெற்றி பெற்றால், அது அதிமுகவின் அரசியல் எதிர்காலத்தையே கேள்விக்குறியாக்கிவிடும் என்ற அச்சம் அக்கட்சியினரிடையே உள்ளது. எனவே, அரசியல் எதிர்ப்புகளைத் தாண்டி, தேர்தல் தேதி அறிவிக்கப்படுவதற்கு முன்பே தவெக-வை கூட்டணிக்குள் கொண்டு வர தீவிர வியூகங்கள் வகுக்கப்படுகின்றன.

அதிமுக, பாஜக மற்றும் தவெக ஆகிய கட்சிகள் ஒன்றிணைந்தால், அது தேர்தலில் திமுகவுக்கு பெரும் சவாலாக அமையும் என்பது அரசியல் நோக்கர்களின் கருத்தாக உள்ளது. இதற்கிடையே, தவெக தனது சொந்த பலத்தை நிரூபிக்கவும், தனித்துவமான வாக்குறுதிகளை வழங்கவும் களத்தில் இறங்கியுள்ளது. தமிழக அரசியலில் அடுத்தடுத்து அரங்கேறும் இந்த அதிரடி மாற்றங்கள், தேர்தல் முடிவுகளில் என்ன மாதிரியான தாக்கத்தை ஏற்படுத்தும் என்பதை பொறுத்திருந்துதான் பார்க்க வேண்டும்.