தமிழக அரசியலில் பெரும் பரபரப்பை ஏற்படுத்தியுள்ள சூழலில், தமிழக வெற்றிக் கழகத் தலைவர் விஜய் இன்று முதலமைச்சராகப் பதவியேற்க வாய்ப்பில்லை என்று ஆளுநர் மாளிகை வட்டாரங்கள் தெரிவித்துள்ளதாக என்டிடிவி உள்ளிட்ட முன்னணி ஆங்கில ஊடகங்கள் செய்தி வெளியிட்டுள்ளன. சட்டமன்றத்தில் ஆட்சி அமைக்கத் தேவையான பெரும்பான்மையை விஜய் இன்னும் நிரூபிக்காத காரணத்தினால், அவருக்கு ஆட்சி அமைக்க ஆளுநர் தரப்பிலிருந்து இதுவரை அழைப்பு விடுக்கப்படவில்லை என்று கூறப்படுகிறது.
காங்கிரஸ், இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் ஆகிய கட்சிகள் தவெக-விற்கு ஆதரவு கடிதம் வழங்கியுள்ள போதிலும், தற்போதைய நிலவரப்படி அக்கட்சிக்கு 116 சட்டமன்ற உறுப்பினர்களின் ஆதரவு மட்டுமே உள்ளது என்பது குறிப்பிடத்தக்கது. தமிழக சட்டமன்றத்தில் பெரும்பான்மைக்குத் தேவையான 118 என்ற இலக்கை இன்னும் எட்டாததால், அடுத்தகட்ட அரசியல் நகர்வுகள் குறித்து பெரும் எதிர்பார்ப்பு எழுந்துள்ளது.