தமிழகத்தில் 2026 ஆம் ஆண்டு சட்டமன்றத் தேர்தல் நடைபெறுவதற்கு இன்னும் சில மாதங்கள் மட்டுமே உள்ள நிலையில் அனைத்து அரசியல் கட்சிகளும் தீவிரமாக களத்தில் இறங்கி பணியாற்று வருகின்றன. ஒரு பக்கம் கூட்டணி பேச்சுவார்த்தை மறுபக்கம் தேர்தல் பிரச்சாரம் என தேர்தல் களம் சூடு பிடிக்க தொடங்கிவிட்டது. அதிமுக மற்றும் திமுக இடையே போட்டி என்ற நிலை மாறி விஜய்யும் களத்தில் இறங்கியுள்ளதால் 2026 தேர்தல் களம் பரபரப்பாக பார்க்கப்படுகிறது.
இந்நிலையில் தேமுதிக நிறுவன தலைவர் விஜயகாந்துக்கு சட்டசபை தேர்தலில் முதல் வெற்றியை கொடுத்த கடலூர் மாவட்டம் விருத்தாச்சலம் தொகுதியில் தமிழக வெற்றி கழகம் தலைவர் விஜய் போட்டியிட வாய்ப்புள்ளதாக தகவல் வெளியாகி உள்ளது. விஜயின் ஜோதிடர் அறிவுறுத்தலின், வி எழுத்தில் தொடங்கும் தொகுதியை தமிழக வெற்றிக்கழகம் கட்சியினர் டார்கெட் செய்கின்றனர். அதோடு மட்டுமல்லாமல் விஜயகாந்தை அண்ணன் எனக் கூறும் விஜய் விருதாச்சலம் தொகுதியை மனதில் வைத்தே காய் நகர்த்தி வருவதாக தெரிகிறது. இதனால் விருதாச்சலம் தொகுதி விஐபி அந்தஸ்தை பெரும் என கூறப்படுகிறது.