நீண்ட நாட்களுக்கு பிறகு திடீரென விஜயகாந்த் வீட்டிற்கு விசிட் அடித்த விஜய்.. வைரலாகும் போட்டோஸ்..!!

தமிழ் சினிமாவின் உச்ச நட்சத்திரமாக விளங்கும் விஜய் வெங்கட் பிரபு இயக்கத்தில் உருவான தி கிரேட்டஸ்ட் ஆஃப் ஆல் டைம் படத்தில் நடித்து முடித்துள்ளார். இந்த படத்தை அர்ச்சனா கல்பத்தி தயாரிக்கிறார். இந்த படத்தில் பிரபுதேவா, பிரசாந்த், லைலா, சினேகா, மைக் மோகன் உள்ளிட்டோர் முக்கிய கதாபாத்திரத்தில் நடித்துள்ளனர்.

தி கிரேட்டஸ்ட் ஆஃப் ஆல் டைம் படத்தில் விஜய் அப்பா மகன் என இரு கதாபாத்திரத்தில் நடிக்கிறார். இந்த படத்திற்கு யுவன் சங்கர் ராஜா இசை அமைத்துள்ளார். படத்தில் இருந்து ரிலீஸ் ஆன மூன்று படங்களும் மக்களிடையே நல்ல வரவேற்பை பெற்றுள்ளது. சமீபத்தில் தான் தி கிரேட்டஸ்ட் ஆஃப் ஆல் டைம் படத்தின் டிரைலர் ரிலீஸ் ஆகி இணையத்தில் வைரல் ஆனது. வருகிற செப்டம்பர் மாதம் 5-ஆம் தேதி கோட் திரைப்படம் ரிலீஸ் ஆகிறது. படத்தின் மீது ரசிகர்களுக்கு மிகுந்த எதிர்பார்ப்பு உள்ளது.

ஏனென்றால் தனது 69-ஆவது படத்துடன் சினிமாவில் இருந்து விலகி அரசியலில் ஈடுபட போவதாக விஜய் ஏற்கனவே அறிவித்துவிட்டார். விஜயின் 69-ஆவது படத்தை எச்.வினோத் இயக்குகிறார். இதனால் விஜய் நடிக்கும் கோட் படம் எப்போது ரிலீஸ் ஆகும் என ரசிகர்கள் எதிர்பார்த்து காத்துக் கொண்டிருக்கின்றனர். இதில் முக்கியமான விஷயம் என்னவென்றால் மறைந்த தேமுதிக தலைவரும், பிரபல நடிகருமான விஜயகாந்த்தை AI தொழில்நுட்பம் மூலம் கோட் படத்தில் பயன்படுத்தியுள்ளனர்.

இது தொடர்பான செய்திகள் ஏற்கனவே இணையத்தில் வெளியானது. இந்த நிலையில் விஜய், அர்ச்சனா கல்பாத்தி, வெங்கட் பிரபு ஆகியோர் விஜயகாந்த் வீட்டிற்கு சென்றுள்ளனர். AI தொழில்நுட்பம் மூலம் விஜயகாந்தை படத்தில் பயன்படுத்த அனுமதி அளித்ததற்கு பிரேமலதா விஜயகாந்த் மற்றும் விஜயகாந்தின் மகன்களுக்கு நன்றி கூறியுள்ளனர். இது தொடர்பான புகைப்படங்கள் தற்போது சோசியல் மீடியாவில் வேகமாக பரவி வருகிறது.