BREAKING: “கோட்டைக்கு வந்த ஜோசப் விஜய்”… முதல்வர் நாற்காலியில் அமர்ந்த அந்த தருணம்… முதல் கையெழுத்தே அதிரடிதான்…!

தமிழக அரசியல் வரலாற்றில் ஒரு புதிய அத்தியாயம் இன்று எழுதப்பட்டது. தமிழக வெற்றிக் கழகத்தின் தலைவர் சி. ஜோசப் விஜய், தமிழகத்தின் 13-ஆவது முதலமைச்சராகப் பொறுப்பேற்றுக்கொண்டார். சென்னை நேரு உள்விளையாட்டு அரங்கில் நடைபெற்ற பிரம்மாண்ட பதவியேற்பு விழாவிற்குப் பிறகு, அவர் நேரடியாகத் தலைமைச் செயலகத்திற்கு வருகை தந்தார். அங்கு கோட்டை வட்டாரமே விழாக்கோலம் பூண்டிருக்க, அதிகாரிகள் மற்றும் தொண்டர்களின் உற்சாக வரவேற்பிற்கு மத்தியில் அவர் முதலமைச்சர் அறைக்குள் நுழைந்தார்.

முதலமைச்சர் நாற்காலியில் அமருமாறு செங்கோட்டையன் அவர்கள் கேட்டுக்கொண்டபோது, ஒரு கணம் நெகிழ்ச்சியில் ஆழ்ந்த விஜய், மிகுந்த அடக்கத்துடனும் ஆச்சரியம் கலந்த புன்னகையுடனும் அந்தப் பொறுப்பான இருக்கையில் அமர்ந்தார். அதனைத் தொடர்ந்து, தமிழகத்தின் முக்கிய நலத்திட்டங்கள் தொடர்பான கோப்புகளில் அவர் தனது முதல் கையெழுத்தைப் பதிவு செய்தார். இந்நிகழ்வின் போது தமிழக சட்டசபை செயலாளர் சீனிவாசன் மற்றும் உயர்மட்ட ஐ.ஏ.எஸ் அதிகாரிகள் அவருக்குப் பூங்கொத்து வழங்கித் தங்களது வாழ்த்துகளைத் தெரிவித்தனர். திரையுலகில் இருந்து மக்கள் சேவையை நோக்கிப் பயணித்த விஜய்யின் இந்த புதிய தொடக்கம், தமிழக அரசியலில் ஒரு திருப்புமுனையாகப் பார்க்கப்படுகிறது.