விஜய் சேதுபதி தமிழ் சினிமாவில் பணியாற்றும் பிரபலமான முன்னணி நடிகராவார். ஆரம்பத்தில் பின்னணியில் கூட்டத்தோடு கூட்டமாக நடிக்க ஆரம்பித்தார் விஜய் சேதுபதி. பின்னர் கூத்துப்பட்டறையில் சேர்ந்து நடிப்பை முறையாக கற்றுக் கொண்டார். 2010 ஆம் ஆண்டு “தென்மேற்கு பருவக்காற்று” திரைப்படத்தின் மூலம் தமிழ் சினிமாவில் நாயகனாக அறிமுகமானார் விஜய் சேதுபதி. தொடர்ந்து நானும் ரவுடிதான், சேதுபதி, 96, விக்ரம் வேதா, ஆரஞ்சு மிட்டாய் என பலதரப்பட்ட திரைப்படங்களில் வித்தியாசமான கதாபாத்திரங்களை தேர்ந்தெடுத்து நடித்தார்.
மாஸ்டர் போன்ற திரைப்படங்களில் வில்லனாகவும் நடித்திருக்கிறார் விஜய் சேதுபதி. வயதான தோற்றம் வில்லன் என தனக்கு கிடைத்த வாய்ப்பை சரியாக பயன்படுத்தி மிக குறுகிய காலத்திலேயே முன்னணி நடிகர் எந்த அந்தஸ்தை பெற்றார். இவருடைய நடிப்பு மிகவும் எதார்த்தமாக இருக்கும். சமீபத்தில் இவர் நடிப்பில் வெளியான விடுதலை 2 படம் கூட நல்ல விமர்சனங்களை பெற்று கொண்டிருக்கிறது. அதுமட்டுமில்லாமல் பிக் பாஸ் தமிழ் சீசன் 8 நிகழ்ச்சியை தொகுத்தும் வழங்கி வருகிறார்.
இப்படி இருக்க சினிமாக்கு வருவதற்கு முன்பாக இவர் ஏகப்பட்ட வேலைகளை பார்த்துள்ளார். அதாவது சென்னை கல்லூரியில் வணிகவியல் படிப்பை முடித்த இவர் சினிமாவுக்கு ஆரம்பத்தில் முயற்சி செய்தபோது அவருடைய கதவுகள் திறக்கவில்லையாம். நம்மவர் படத்தின் ஆடிஷனில் கலந்துகொண்டு அதில் தேர்வு செய்யப்படவில்லை. ஒரு கட்டத்தில் பொருளாதார நெருக்கடியின் காரணமாக வேறு வேலையும் செய்ய முடிவு எடுத்துள்ளார்.
அப்படியே அவர் முதன் முதலில் சேல்ஸ்மேன் வேலையை செய்துள்ளார் .அடுத்து போன் பூத் ஆப்பரேட்டராக வேலை செய்தார். பிறகு ஒரு நிறுவனத்தில் காசாளராக வேலைக்கு சேர்ந்துள்ளார். துபாய்க்கு சென்று அங்கு ஒரு நிறுவனத்தில் சில வருடங்கள் கணக்காளராக பணியாற்றினார்.