விசிக-வுக்கு கல்தா?.. பாமகவுடன் கைகோர்க்கும் தவெக…. தமிழ்நாட்டு அரசியலை உலுக்கும் புதிய கூட்டணி… யாரும் எதிர்பார்க்காத டுவிஸ்ட்…..!

2026 சட்டமன்றத் தேர்தலில் தனிப்பெரும் கட்சியாக உருவெடுத்த தமிழக வெற்றிக் கழகம் பெரும்பான்மை இல்லாத காரணத்தால் காங்கிரஸ் மற்றும் விசிக உள்ளிட்ட கட்சிகளின் ஆதரவோடு கூட்டணி ஆட்சியை அமைத்தது. ஆட்சி அமைந்தது முதல் தவெக தலைவர் விஜய் தனது அரசை நிலைநிறுத்த பல்வேறு முயற்சிகளை மேற்கொண்டு வரும் சூழலில், தற்போதைய கூட்டணிக்குள் கருத்து வேறுபாடுகள் நாளுக்கு நாள் அதிகரித்து வருகின்றன. குறிப்பாக, அமைச்சரவையில் இடம் பெற்றிருந்த போதிலும், விசிக தரப்பிலிருந்து அரசுக்கு எதிராக முன்வைக்கப்படும் மாறான கருத்துகளும் விமர்சனங்களும் தவெக தலைமைக்கு பெரும் அதிருப்தியை ஏற்படுத்தியுள்ளதாகக் கூறப்படுகிறது. இந்த நம்பிக்கையின்மை காரணமாக, தற்போதைய ஆட்சியைத் தொய்வில்லாமல் கொண்டு செல்ல விஜய் புதிய வியூகங்களை வகுத்து வருகிறார்.

இதன் ஒரு பகுதியாக, அதிமுக உள்ளிட்ட மாற்றுத் திராவிடக் கட்சிகளில் இருந்து முக்கிய நிர்வாகிகள் தவெகவில் இணைந்து வரும் நிலையில், பாமகவை தவெக கூட்டணிக்குள் கொண்டு வருவதற்கான ரகசியப் பேச்சுவார்த்தைகள் தீவிரமாக நடந்து வருவதாகத் தகவல்கள் வெளியாகியுள்ளன. தங்களுக்குத் தொடர்ந்து குடைச்சல் கொடுத்து வரும் விசிகவுக்கு மாற்றாகப் பாமகவை உள்ளே இழுக்க விஜய் திட்டமிட்டுள்ளதாக அரசியல் வட்டாரங்கள் தெரிவிக்கின்றன. இந்த அதிரடி அரசியல் நகர்வுகளால், விசிக சார்பில் அமைச்சராகப் பொறுப்பேற்றுள்ள வன்னியரசு உள்ளிட்ட முக்கிய நிர்வாகிகள் கடும் கவலையில் ஆழ்ந்துள்ளதாகவும், ஒருவேளை கூட்டணி உடைந்தால் தங்களது அமைச்சர் பதவி பறிபோய்விடுமோ என்ற அச்சம் அவர்கள் மத்தியில் எழுந்துள்ளதாகவும் அரசியல் களம் பரபரப்பாகப் பேசப்பட்டு வருகிறது.