ரீல்ஸ் மோகத்தால் ஏற்பட்ட விபரீதம்… நடு ஆற்றில் ‘தார்’ வாகனத்தில் சாகசம்… நொடிப்பொழுதில் மாறிய வெள்ளப்பெருக்கு… உயிரை பொற்படுத்தாமல் இளைஞர் செய்த காரியம்… நெஞ்சை உலுக்கும் காட்சி…!

டார்ஜிலிங்கில் உள்ள பாலாசன் ஆற்றில் சில இளைஞர்கள் தங்களின் ‘தார்’ வாகனத்தை ஓட்டிக்கொண்டு சாகசம் செய்ய முயன்றது, அவர்களின் உயிருக்கே பெரும் ஆபத்தாக முடிந்துள்ளது. கடந்த செவ்வாய்க்கிழமை இரவு, இளைஞர்கள் மற்றும் இளம் பெண்கள் அடங்கிய குழுவினர் தார் காரை ஆற்றின் நடுப்பகுதிக்கு கொண்டு சென்று, பலத்த நீரோட்டத்திற்கு இடையே அங்கும் இங்கும் ஓட்டி விளையாடிக் கொண்டிருந்தனர். அப்போது எதிர்பாராத விதமாக ஆற்றின் நீர்மட்டம் மிக வேகமாக உயர்ந்து, திடீர் வெள்ளப்பெருக்கு ஏற்பட்டது. கண்ணிமைக்கும் நேரத்தில் காரானது ஆற்றின் நடுவே சிக்கிக் கொள்ள, உயிருக்கு அஞ்சிய அவர்கள் எப்படியோ காரில் இருந்து வெளியேறி அதன் கூரை மீது ஏறி நின்று தவித்தனர்.

https://twitter.com/KishorJoshi02/status/2077266169229390177/photo/1

இந்த இக்கட்டான சூழ்நிலையில், அங்கிருந்த ஒரு உள்ளூர் இளைஞர் தனது உயிரையும் பொருட்படுத்தாமல் அசாத்திய துணிச்சலை வெளிப்படுத்தினார். ஆக்ரோஷமாக பாய்ந்தோடிய வெள்ள நீருக்கு நடுவே, கயிற்றின் உதவியுடன் காரின் கூரை மீது தவித்துக்கொண்டிருந்த அனைவரையும் அவர் ஒவ்வொன்றாக மீட்டு பத்திரமாக கரை சேர்த்தார். ஆற்றின் நீரோட்டத்துடன் ஆபத்தான முறையில் விளையாட நினைத்த இளைஞர்களை, அந்த உள்ளூர் இளைஞரின் துரிதமான மற்றும் துணிச்சலான செயல் காப்பாற்றியுள்ளது.