அடுத்த அடி செந்தில் பாலாஜிக்கு தான்… இறங்கி செய்யப்போகும் விஜய்… நாளை கரூரில் காத்திருக்கும் சம்பவம்…!

தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. அதேசமயம் கூட்டணி குறித்த பேச்சு வார்த்தையும் மும்முரமாக நடந்து கொண்டிருக்கிறது. அதிமுக மற்றும் திமுக இடையே தான் போட்டி என்ற நிலைமை மாறி தற்போது விஜய் களத்தில் இறங்கியுள்ளதால் 2026 ஆம் ஆண்டு சட்டமன்றத் தேர்தல் பரபரப்பாக பார்க்கப்படுகிறது. 2026 சட்டமன்ற தேர்தலை இலக்காக கொண்டு விஜயின் தமிழக வெற்றி கழகம் அரசியல் களத்தில் முதல்முறையாக தேர்தலை எதிர்கொள்ள உள்ளது.

இதற்காக கடந்த ஆறு மாதங்களாக விஜய் தீவிர அரசியல் பணியில் ஈடுபட்டு வருகிறார். குறிப்பாக கட்சியில் 2 கோடிக்கும் அதிகமான உறுப்பினர் சேர்க்கை, மாவட்ட வாரியாக வாக்குச்சாவடி குழு கூட்டம் அமைப்பது, மாவட்டச் செயலாளர்கள் கூட்டம் ஆகியவற்றை நடத்தி கட்சியை வலுப்படுத்தும் நோக்கில் ஈடுபட்டு வருகின்றார். தொடர்ந்து பல பிரச்சினைகளுக்கு குரல் கொடுத்து வரும் விஜய் சமீபத்தில் தன்னுடைய தேர்தல் பிரச்சாரத்தை தொடங்கி இருந்தார். இதுவரை இரண்டு கட்டமாக பிரச்சாரம் நடந்துள்ள நிலையில் மூன்றாவது கட்டமாக கரூரில் நாளை விஜய் பிரச்சாரம் மேற்கொள்ள உள்ளார்.

கடந்த இரண்டு தேர்தல் பிரச்சாரத்திலும் அந்தந்த மாவட்டங்களில் இருக்கும் பிரச்சனை குறித்து விஜய் பேசி இருந்தார். இந்நிலையில் கரூரில் நிச்சயம் விஜய்யின் வாயில் சிக்கப்போவது செந்தில் பாலாஜி தான் என அரசியல் விமர்சகர்கள் கூறுகின்றன. சில நாட்களுக்கு முன்பு நடந்த முப்பெரும் விழாவை செந்தில் பாலாஜி தான் ஒருங்கிணைத்தார். மிகச்சிறந்த ஏற்பாடு, செயல்வீரர் செந்தில் பாலாஜி என்றெல்லாம் முதல்வரால் புகழப்பட்டார். இதை வைத்து தான் விஜய் பேச உள்ளதாக தகவல் வெளியாகி உள்ளது. ஆனால் ஏற்கனவே திமுக நிகழ்வுகள் அனைத்தும் சனிக்கிழமை தவிர்த்து வேறு வேறு நாட்களில் நடைபெறுகின்றன. திமுக இதற்கு எப்படி எதிர்வினை ஆற்றும் என்பதை பொறுத்திருந்துதான் பார்க்க வேண்டும்.