தமிழக அரசு அதிகாரிகளின் பணி உயர்வு விவகாரத்தில் ஊழலையும் முறைகேடுகளையும் முற்றிலும் ஒழிக்கும் வகையில், தமிழக வெற்றிழக அரசு ஒரு வரலாற்றுச் சிறப்புமிக்க அதிரடி முடிவை எடுத்துள்ளது. மாண்புமிகு முதலமைச்சர் ஜோசப் விஜய் அவர்களின் உத்தரவின்படி, இனி அரசு அதிகாரிகளின் பதவி உயர்வுக்கு முதலமைச்சரின் நேரடி ஒப்புதல் பெறுவது கட்டாயமாக்கப்பட்டுள்ளது. இதன் மூலம் தகுதி மற்றும் நேர்மைக்கு மட்டுமே முன்னுரிமை அளிக்கப்படும் என்பது உறுதி செய்யப்பட்டுள்ளது. இந்த புதிய நடைமுறைக்காக, பதவி உயர்வுக்குப் பரிசீலிக்கப்படும் ஒவ்வொரு அதிகாரியின் கடந்த 5 ஆண்டு கால பணிப்பதிவுகள், ஒழுங்கு நடவடிக்கைகள் மற்றும் தண்டனைகள் ஆகியவை மிகத் தீவிரமாகச் சரிபார்க்கப்படவுள்ளன.
மேலும், தமிழ்நாடு அரசுப் பணியாளர் விதிகளின்படி கடுமையான குற்றச்சாட்டுகள் நிலுவையில் உள்ளவர்கள் அல்லது தற்காலிக பணிநீக்கத்தில் இருப்பவர்களின் பெயர்கள் தகுதிப் பட்டியலில் சேர்க்கப்படாமல் உடனடியாகத் தள்ளிவைக்கப்படும். லஞ்சமற்ற, வெளிப்படையான மற்றும் திறமையான நிர்வாகத்தை வழங்குவதையே முதன்மை லட்சியமாகக் கொண்டு தவெக அரசு செயல்பட்டு வருவதை இந்த நடவடிக்கை தெளிவாக உணர்த்துகிறது. திறம்படப் பணிபுரியும் நேர்மையான அரசு ஊழியர்களுக்குப் பாதுகாப்பும், தவறு செய்பவர்களுக்குத் தகுந்த பாடமும் புகட்டும் வகையில் அமைந்துள்ள இந்த அதிரடி அறிவிப்புக்குத் தமிழக மக்கள் மத்தியிலும் அரசுப் பணியாளர்கள் மத்தியிலும் பெரும் வரவேற்பு கிடைத்துள்ளது.