அவிநாசி தொகுதி சட்டமன்ற உறுப்பினரான (MLA) கமலிக்கு இன்று ஒரு எதிர்பாராத இன்ப அதிர்ச்சி கிடைத்துள்ளது. இன்று காலை 7 மணி வரை தனக்கு அமைச்சர் பதவி கிடைக்கப் போகிறது என்ற விபரமே அவருக்குத் தெரியாது என்று கூறப்படுகிறது. கடைசி நிமிடம் வரை பரிசீலனையில் இருந்த மற்றொரு சட்டமன்ற உறுப்பினரான சத்யபாமாவிற்குப் பதிலாக, இறுதி நேரத்தில் கமலியின் பெயர் தேர்வு செய்யப்பட்டு உறுதி செய்யப்பட்டுள்ளது.
அமைச்சர் பதவிகளுக்கான தேர்வுப் பட்டியலில் கமலியின் பெயர் முன்னிலைக்கு வந்ததற்கு ஒரு முக்கிய அரசியல் பின்னணி உள்ளது. அண்மையில் நடந்த தேர்தலில் மத்திய இணை அமைச்சராக இருந்த எல். முருகனை எதிர்த்துப் போட்டியிட்டு அவரை வீழ்த்திய பெருமை கமலிக்கு உண்டு. இந்த மிகப்பெரிய வெற்றியை அங்கீகரிக்கும் வகையிலும், அவருக்கு உரிய முக்கியத்துவம் அளிக்க வேண்டும் என்ற அடிப்படையிலும் இந்த அமைச்சர் பதவி வழங்கப்பட்டுள்ளதாகத் தகவல்கள் தெரிவிக்கின்றன.