தமிழக சட்டமன்ற தேர்தலில் திமுக, அதிமுக ஆகிய இரு பெரும் திராவிடக் கூட்டணிகளையும் வீழ்த்தி, தமிழக வெற்றிக் கழகம் ஆட்சிக்கட்டிலில் அமர்ந்துள்ளது. பதவியேற்ற ஒரே மாதத்தில், கடந்த 45 ஆண்டுகால தமிழக அரசியல் வரலாற்றில் எந்தவொரு முதலமைச்சரும் செய்யத் துணியாத அதிரடி முடிவை முதலமைச்சர் விஜய் கையில் எடுத்துள்ளார். தமிழகத்தில் சமூக நீதியை நிலைநாட்டும் வகையில் சாதிவாரி கணக்கெடுப்பு நடத்தப்படும் என்ற தவெக அரசின் இந்த அறிவிப்பு, ஒட்டுமொத்த அரசியல் களத்தையும் உற்றுநோக்க வைத்துள்ளது. இந்த அதிரடி முடிவைத் தொடர்ந்து, தமிழகத்தில் தவெக தலைமையில் ஒரு புதிய அரசியல் கூட்டணி உருவாவதற்கான அரசியல் சூழலும் கனிந்து வருகிறது.
சென்னையில் நடைபெற்ற பொதுக்கூட்டத்தில் பேசிய பாட்டாளி மக்கள் கட்சியின் தலைவர் அன்புமணி ராமதாஸ், முதலமைச்சர் விஜய்யின் இந்த தைரியமான முடிவை மனதாரப் பாராட்டியுள்ளார். மேலும், 1980 ஆம் ஆண்டு மருத்துவர் ராமதாஸால் தொடங்கப்பட்ட வன்னியர் சங்கத்தின் முதல் மாநாட்டிலேயே வன்னியர்களுக்கான 20% இடஒதுக்கீடு, சாதிவாரி கணக்கெடுப்பு மற்றும் பட்டியலின மக்களுக்கு 2% கூடுதல் ஒதுக்கீடு ஆகிய முக்கியத் தீர்மானங்கள் நிறைவேற்றப்பட்டதை அவர் நினைவு கூர்ந்தார். அன்றிலிருந்து எம்.ஜி.ஆர், கருணாநிதி, ஜெயலலிதா, எடப்பாடி பழனிசாமி மற்றும் மு.க.ஸ்டாலின் எனப் பல முதலமைச்சர்களிடம் இந்த கோரிக்கையைத் தொடர்ந்து வலியுறுத்தியும், அவர்களிடம் அதிகாரம் இருந்தும் அதைச் செயல்படுத்தும் துணிச்சல் யாருக்கும் இருக்கவில்லை என்று அன்புமணி ராமதாஸ் சுட்டிக்காட்டினார்.
கடந்த காலங்களில் அரசு அதிகாரிகள் “பிரச்சனை வரும்” என்று அச்சுறுத்தியதால், முன்னாள் முதலமைச்சர் ஸ்டாலின் உள்ளிட்ட பல தலைவர்கள் இந்த கணக்கெடுப்பை நடத்தத் தயங்கியதாக அன்புமணி ராமதாஸ் குறிப்பிட்டுள்ளார். ஆனால், அதிகாரிகளின் முட்டுக்கட்டைகளையும் மீறி, “எந்தப் பிரச்சனை வந்தாலும் பரவாயில்லை” என்று துணிச்சலுடன் களமிறங்கியுள்ள முதலமைச்சர் விஜய்யின் அரசியல் தைரியம் உண்மையிலேயே பாராட்டத்தக்கது என்றார். தவெக அரசின் இந்த சமூக நீதிப் பார்வையும், அதற்கு பாமக காட்டி வரும் இணக்கமான போக்கும் தமிழக அரசியலில் ஒரு புதிய மாற்றுச் சக்திக்கான தொடக்கமாகப் பார்க்கப்படுகிறது.
ஆந்திர மாநிலம் பிரகாசம் மாவட்டம், சடலவாடா கிராமத்தில் வீட்டின் வெளியே தூங்கிக் கொண்டிருந்த ஆறு வயது சிறுமி கொடூரமாகக் கடத்தப்பட்டு…
உத்தரப் பிரதேசத்தில் உள்ள மருத்துவக் கல்லூரி மாணவர் விடுதி வளாகத்தில், மாணவர் ஒருவர் சடலமாகக் கண்டெடுக்கப்பட்ட சம்பவம் அதிர்ச்சியை ஏற்படுத்தியுள்ளது.…
உத்தரப் பிரதேச மாநிலம் லக்னோவில் உள்ள சாதத்கஞ்ச் பகுதியில் அமைந்துள்ள சதுர்தாம் கோயிலில், பட்டப்பகலில் நூதனமான திருட்டுச் சம்பவம் நிகழ்ந்துள்ளது.…
தெலங்கானா மாநிலம் பத்ராத்ரி கோத்தகுடெம் மாவட்டம் மனுகுரு பகுதியைச் சேர்ந்த மௌனிகா என்பவர், தனது மகனுடன் பத்ராசலம் நோக்கிச் சென்ற…
மும்பையின் ஜோகேஸ்வரி மேற்கு, ஓஷிவாரா ஆனந்த் நகர் பகுதியில் அமைந்திருக்கும் சுன்னி மசூதி அருகே சிறிய தேநீர்க் கடை ஒன்று…
மகாராஷ்டிரா மாநிலம் மும்பையின் காட்கோபர் பகுதியில், 14 வயது சிறுவன் தனது தந்தைக்கு தெரியாமல் வீட்டிலிருந்த ஸ்கூட்டரை எடுத்துக்கொண்டு நண்பருடன்…