தமிழக வெற்றிக் கழகத்தின் (தவெக) ஆலோசனைக் கூட்டத்திற்குத் தேர்தல் ஆணையம் அனுமதி வழங்காததால், இன்று நடைபெறவிருந்த அக்கட்சியின் கூட்டம் ஒத்திவைக்கப்பட்டுள்ளது. சென்னை நுங்கம்பாக்கத்தில் உள்ள நட்சத்திர விடுதியில் இக்கூட்டத்தை நடத்தத் திட்டமிடப்பட்டிருந்தது. ஆனால், இந்தியத் தேர்தல் ஆணையத்தின் (ECI) இந்தத் திடீர் தடையால் கட்சித் தலைவர் விஜய்க்கு பெரும் பின்னடைவு ஏற்பட்டுள்ளது.
இந்தத் தடையின் காரணமாக, இன்று வெளியாகவிருந்த தவெக வேட்பாளர் பட்டியலை வெளியிடுவதிலும் சிக்கல் ஏற்பட்டுள்ளதாகத் தெரிகிறது. இதனால் கட்சி நிர்வாகிகளும் தொண்டர்களும் அதிர்ச்சியில் உள்ளனர். தேர்தல் ஆணையத்தின் இந்த நடவடிக்கை அரசியல் வட்டாரத்தில் பெரும் பரபரப்பை ஏற்படுத்தியுள்ளது.