![lic - Tamizhanmedia.net](https://tamizhanmedia.net/wp-content/uploads/2024/06/lic.jpg)
CINEMA
அடிச்சதுப்பா ஜாக்பாட்..! சினிமாவில் என்ட்ரி கொடுக்கும் காத்துகருப்பு கலை.. அதுவும் 100 கோடி வசூல் செய்த ஹீரோ படத்துல..!
விக்னேஷ் சிவன் இயக்கத்தில் லவ் டுடே இயக்குனரும் நடிகருமான பிரதிப் ரங்கநாதன் நடிக்கும் எல்ஐசி திரைப்படத்தில் காத்து கருப்பு கலை ஒரு முக்கிய கதாபாத்திரத்தில் நடித்திருப்பதாக தகவல் வெளியாகி இருக்கின்றது.
தமிழ் சினிமாவில் கோமாளி திரைப்படத்தை இயக்கி தனக்கென ஒரு அங்கீகாரத்தை ஏற்படுத்திக் கொண்டவர் இயக்குனர் பிரதிப் ரங்கநாதன். அதை தொடர்ந்து லவ் டுடே என்ற திரைப்படத்தில் இயக்குனராக மட்டுமில்லாமல் நடிகராகவும் களமிறங்கிய இவருக்கு அந்த திரைப்படம் மிகப்பெரிய அளவுக்கு ஹிட் கொடுத்தது.
குறைந்த பட்ஜெட்டில் எடுக்கப்பட்ட இந்த திரைப்படம் 100 கோடிக்கு மேல் வசூல் செய்து சாதனை படைத்தது. அடுத்தடுத்து திரைப்படங்களில் நடித்துவரும் பிரதீப் ரங்கநாதன், விக்னேஷ் சிவன் இயக்கத்தில் எல்ஐசி திரைப்படத்தில் நடித்து வருகின்றார். அதை தொடர்ந்து ஏஜிஎஸ் நிறுவனம் தயாரிக்கும் டிராகன் என்கின்ற திரைப்படத்திலும் நடித்து வருகின்றார்.
விக்னேஷ் சிவன் இயக்கத்தில் உருவாகி வரும் எல்ஐசி திரைப்படத்தில் பிரதீப் ரங்கநாதனுக்கு ஜோடியாக கீர்த்தி செட்டி நடிக்கின்றார். மேலும் எஸ் ஜே சூர்யா, யோகி பாபு இந்த திரைப்படத்தில் ஒரு முக்கிய கதாபாத்திரத்தில் நடித்திருப்பதாக கூறப்படுகின்றது. லவ் இன்சூரன்ஸ் கார்ப்பரேஷன் என்கின்ற காதல் நகைச்சுவை திரைப்படம் எடுக்கப்பட்டு வருகின்றது.
இப்படம் தொடர்பான அடுத்தடுத்து அப்டேட்டுகள் வெளியாகி வைரலாகி வருகின்றன. மேலும் இந்த திரைப்படத்தை லலித் குமார் தயாரிக்கின்றார். இந்நிலையில் மற்றொரு அப்டேட் ஒன்று வெளியாகியிருக்கின்றது. இந்த திரைப்படத்தில் யூடியூபில் பிரபலமான காத்து கருப்பு கலை ஒரு முக்கிய கதாபாத்திரத்தில் நடித்திருப்பதாகவும் இந்த வருடம் தீபாவளி பண்டிகையை முன்னிட்டு இந்த திரைப்படம் திரையரங்குகளில் வெளியாகும் என எதிர்பார்க்கப்படுகின்றது. யூட்யூபில் பல சர்ச்சையான வீடியோக்களை வெளியிடுவது, சம்பந்தமே இல்லாமல் பேசிட்டு ட்ரெண்ட்டானவர் தான் காத்து கருப்பு கலை. இவர் இந்த திரைப்படத்தில் நடிக்கிறார் என்பது பலருக்கும் ஆச்சரியமாக இருக்கின்றது.