இது அந்த மாதிரி படமாக தான் இருக்கும் – நடிகர் சிவகார்த்திகேயன் படம் குறித்து அவரது ரசிகர்களுக்கு லேட்டஸ்ட் அப்டேட் தந்த இயக்குனர் வெங்கட்பிரபு!

பராசக்தி படத்தை தொடர்ந்து நடிகர் சிவகார்த்திகேயன், இயக்குனர் வெங்கட் பிரபு இயக்கத்தில் புதிய படத்தில் நடிக்க உள்ளார். இந்நிலையில் இயக்குனர் வெங்கட் பிரபு தனது இன்ஸ்டாகிராம் பக்கத்தில் ஒரு பதிவை செய்திருக்கிறார். அந்த பதிவில், நடிகர் சிவகார்த்திகேயனின் இந்த படம் நிச்சயம் வித்தியாசமான நகைச்சுவை படமாக இருக்கும். கதையைக் கேட்ட அவரும் தயாரிப்பு நிறுவனமும் மிகவும் மகிழ்ச்சியாக உள்ளனர்.

இதுவரை பார்க்காத எஸ்கேவை ரசிகர்கள் இந்த படத்தில் பார்க்கலாம் என்று அந்த பதிவில் வெங்கட்பிரபு கூறியிருக்கிறார். சிவகார்த்திகேயன், வெங்கட் பிரபு இருவரும் இப்போது கிராபிக்ஸ் தொழில்நுட்ப பணிகளுக்காக அமெரிக்காவில் உள்ள லாஸ் ஏஞ்சல்ஸ்சில் இருக்கிறார்கள். இந்த படத்தை சத்யஜோதி பிலிம்ஸ் நிறுவனம் பெரிய பொருட்செலவில் தயாரிக்கிறது என்பது குறிப்பிடத்தக்கது.