ஸ்டாலினுக்கு அடுத்த ஷாக்…. இரவோடு இரவாக இடியை இறக்கிய வேல்முருகன்…. திமுக கூட்டணியில் திடீர் திருப்பம்……!

2026 தமிழக சட்டமன்றத் தேர்தல் களம் சூடுபிடித்துள்ள நிலையில், திமுக கூட்டணியில் தொகுதிப் பங்கீட்டுப் பேச்சுவார்த்தைகள் தீவிரமடைந்துள்ளன. இந்தச் சூழலில், தமிழக வாழ்வுரிமைக் கட்சித் தலைவர் வேல்முருகன், திமுகவிடம் தங்களுக்கு இரண்டு தொகுதிகளை ஒதுக்க வேண்டும் என்று உறுதியான கோரிக்கையை முன்வைத்துள்ளார். கடந்த முறை உதயசூரியன் சின்னத்தில் போட்டியிட்டு வெற்றி பெற்ற வேல்முருகன், இந்த முறை கூடுதல் பலத்துடன் தேர்தலைச் சந்திக்கத் திட்டமிட்டுள்ளார்.

வேல்முருகனின் இந்த கோரிக்கையில் குறிப்பாக கடலூர் மாவட்டத்தின் நெய்வேலி தொகுதியைத் தமக்கு ஒதுக்க வேண்டும் என்பதில் அவர் பிடிவாதமாக இருப்பதாகத் தெரிகிறது. அதுமட்டுமின்றி, தர்மபுரி அல்லது சேலம் ஆகிய மாவட்டங்களில் ஏதேனும் ஒரு தொகுதியைத் தங்களுக்கு கூடுதலாக வழங்க வேண்டும் என்றும் அவர் திமுக பேச்சுவார்த்தைக் குழுவிடம் வலியுறுத்தியுள்ளார். சட்டமன்றத்தில் மக்கள் பிரச்சினைகளுக்காகத் துணிச்சலாகக் குரல் கொடுத்து வரும் தங்களுக்கு உரிய அங்கீகாரம் வழங்கப்பட வேண்டும் என்பதே அவரது முக்கிய வாதமாக உள்ளது.

இருப்பினும், திமுக தரப்பில் அமைச்சர் கே.என்.நேரு தலைமையிலான குழுவினர், கூட்டணியில் தற்போது அதிகப்படியான புதிய கட்சிகளும் சமுதாய அமைப்புகளும் இணைந்துள்ளதால் அனைவருக்கும் இடமளிக்க வேண்டிய சூழலை வேல்முருகனிடம் பக்குவமாக விளக்கியுள்ளனர். குறிப்பாக, அதிமுக கூட்டணியில் உள்ள அன்புமணி ராமதாஸிற்குப் பிரச்சார களத்தில் பதிலடி கொடுக்க வேல்முருகன் போன்ற ஆளுமைகள் தேவை என்பதை திமுக உணர்ந்துள்ளது. வேல்முருகனின் கோரிக்கைகள் குறித்து முதலமைச்சர் ஸ்டாலினுடன் கலந்தாலோசித்து இறுதி முடிவு எடுக்கப்படும் என்று திமுக தரப்பில் தெரிவிக்கப்பட்டுள்ளது.