வேலூர் மாவட்டம் காட்பாடி பகுதியை சேர்ந்த 11 வயது சிறுமி அங்குள்ள தனியார் பள்ளியில் 6 ஆம் வகுப்பு படித்து வருகின்றார். வீட்டிலிருந்து பள்ளிக்கு தினமும் பள்ளி வாகனத்தில் சென்று வருவதை மாணவி வழக்கமாக வைத்திருந்தார். இவ்வாறு தினமும் பள்ளி வாகனத்தில் சென்று வரும் மாணவியிடம் அந்த பள்ளி பேருந்தின் ஓட்டுனர் பேசிய பழகி வந்தார். மாணவியும் நன்றாக பேசி வந்த நிலையில் கடந்த சில மாதங்களுக்கு முன்பு வழக்கம் போல மாணவி பேருந்தில் பள்ளிக்கு சென்று விட்டு மீண்டும் மாலை வீடு திரும்புவதற்கு பேருந்துக்கு சென்ற போது ஓட்டுநர் சிறுமியை தவறாக தொட்டு பேசியுள்ளார்.
அப்போது மாணவிக்கு என்ன நடக்கிறது என்று தெரியாமல் வழக்கம் போல வீட்டுக்கு சென்று உள்ளார். பின்னர் தொடர்ந்து பேருந்து ஓட்டுனர் மாணவிக்கு பாலியல் ரீதியாக தொந்தரவு கொடுத்து வந்துள்ளார். இது பற்றி மாணவியுடன் இருக்கும் அவருடைய தோழிகள் சிலரிடம் ஓட்டுனர் பாலியல் சிலிண்டரில் ஈடுபட்டதாக சொல்லப்படுகிறது. இதனால் அச்சமடைந்த சிறுமிகள் தங்களுக்கு நடந்தது தொடர்பாக பெற்றோர்களிடம் தெரிவித்த நிலையில் உடனே பெற்றோர்கள் பள்ளி நிர்வாகம் மற்றும் போலீசில் புகார் அளித்தனர்.
இந்த புகாரை தொடர்ந்து ஓட்டுணரான குடியாத்தம் பகுதியை சேர்ந்த 61 வயது உடைய தேவேந்திரன் என்பவரை பிடித்து விசாரணை நடத்தியதில் அவர் மாணவிகளுக்கு பாலியல் தொல்லை கொடுத்தது உறுதியானது. தற்போது அவரை கைது செய்துள்ள போலீசார் விசாரணை நடத்தி வரும் நிலையில் இந்த சம்பவம் பெரும் பரபரப்பையும் அதிர்ச்சியையும் ஏற்படுத்தி உள்ளது.