ஈரோடு மாவட்டம் பெருந்துறை சிப்காட் தொழிற்பேட்டையில் ஆதித்திராவிடர் மற்றும் பழங்குடியினர் நல மேம்பாட்டிற்காகக் கட்டப்பட்ட தொழிற்கூடப் பணிகளை நேரில் பார்வையிட்ட பின் செய்தியாளர்களைச் சந்தித்த அமைச்சர் வன்னியரசு, பல்வேறு முக்கியத் தகவல்களைப் பகிர்ந்து கொண்டார். கடந்த 20 ஆண்டுகளுக்கும் மேலாகக் கடந்த கால ஆட்சியாளர்களின் அலட்சியத்தாலும், சாதி அரசியல் காரணங்களாலும் பயன்பாட்டிற்கு வராமல் முடங்கிக் கிடந்த இந்தத் தொழிற்கூடங்கள், தற்போதைய அரசின் துரித நடவடிக்கையால் புதுப்பிக்கப்பட்டு வருவதாகத் தெரிவித்தார். வரும் ஆகஸ்ட் மற்றும் செப்டம்பர் மாதங்களில் இங்கு பின்னலாடை தொழிற்சாலைகள் தொடங்கப்பட உள்ளதாகவும், இதன் மூலம் 200 பயனாளிகள் நேரடியாகப் பயனடைவார்கள் என்றும் குறிப்பிட்ட அவர், இதுவரை 30 விழுக்காடு விண்ணப்பங்கள் மட்டுமே வந்துள்ளதால், தமிழக தொழில் முனைவோர்கள் இந்த வாய்ப்பைச் சிறந்த முறையில் பயன்படுத்திக் கொள்ள வேண்டும் என அழைப்பு விடுத்துள்ளார்.
அரசியல் வட்டாரத்தில் பரபரப்பாகப் பேசப்பட்டு வரும் தமிழக வெற்றிக் கழகத்துடன் பாமக கூட்டணி அமைத்தால் விடுதலைச் சிறுத்தைகள் கட்சியின் நிலைப்பாடு என்னவாக இருக்கும் என்ற கேள்விக்கு அமைச்சர் வன்னியரசு மிகச் சுருக்கமாகப் பதிலளித்தார். இக்கேள்விக்கு விசிக தலைவர் தொல். திருமாவளவன் ஏற்கனவே பல்வேறு மேடைகளில் தெளிவான விளக்கங்களை அளித்துள்ளதாகவும், தலைவரின் பதிலுக்கு மேல் தான் எந்தவொரு ‘கோனார் உரையும்’ எழுதப் போவதில்லை என்றும் திட்டவட்டமாகக் கூறினார். மேலும், சமூகநீதித்துறை பெயர் மாற்றம் குறித்த விவகாரத்திலும் விசிக தலைவரின் கருத்தே ஒரு தொண்டனாகத் தன்னுடைய கருத்து என்றும், தலைவரின் முடிவுக்குக் கட்டுப்பட்டு நடப்பதே உண்மையான தொண்டனுக்கு அழகு என்றும் கூறி தவெக-பாமக கூட்டணி குறித்த யூகங்களுக்கு முற்றுப்புள்ளி வைத்தார்.
தொடர்ந்து பேசிய அவர், மலைவாழ் மக்களின் அடிப்படைத் தேவைகளான பள்ளிகள் மற்றும் சாலை வசதிகள் குறித்து விரிவான ஆய்வுகள் மேற்கொள்ளப்பட்டுள்ளதாகவும், வரும் பட்ஜெட் கூட்டத்தொடருக்குப் பிறகு அதற்கான பணிகள் முழு வீச்சில் தொடங்கும் என்றும் உறுதியளித்தார். குறிப்பாக, மாணவர் விடுதிகளில் முதலமைச்சர் நடத்திய ஆய்வின் அடிப்படையில், மாணவர்களுக்கான உணவுப் படியை உயர்த்தவும், அம்பேத்கர் கல்வி உதவித்தொகையை அதிகரிக்கவும் இந்த பட்ஜெட்டில் முக்கிய அறிவிப்புகள் வெளியாகும் எனத் தெரிவித்தார். வரவிருக்கும் பட்ஜெட் ஆதித்திராவிடர் மற்றும் பழங்குடியின மக்களின் வாழ்வாதாரத்தை வளப்படுத்தும் ஒரு வரலாற்றுச் சிறப்புமிக்க பட்ஜெட்டாக இருக்கும் எனக் குறிப்பிட்ட அமைச்சர், அமைச்சரவைக் கூட்டத்தில் முதலமைச்சர் வழங்கிய அறிவுறுத்தலின்படி, தவறு செய்யும் அதிகாரிகள் மற்றும் குற்றவாளிகள் யாராக இருந்தாலும் அவர்கள் சட்டத்தின் முன் கடுமையாகத் தண்டிக்கப்படுவார்கள் என எச்சரித்தார்.
தேசியவாத காங்கிரஸ் தலைவரும் மூத்த அரசியல்வாதியுமான சரத் பவாருக்கு அண்மையில் ஏற்பட்ட உடல்நலக் குறைவைத் தொடர்ந்து, அவருக்குப் பூரண ஓய்வளிக்க…
குஜராத் மாநிலம் சூரத் பகுதியில், வாங்கிய கடனைத் திருப்பிக் கொடுக்காததால் ஏற்பட்ட தகராறில் சக ஊழியரின் தலையைத் துண்டித்து மயானத்தில்…
பீகார் மாநிலம் பக்ஸார் மாவட்டத்தைச் சேர்ந்த ஊரக வளர்ச்சி அதிகாரி அல்பிதா சிங், கடந்த எட்டு மாதங்களாகத் தனக்கு சம்பளம்…
பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக்…
உத்தரப் பிரதேச மாநிலம் பராபங்கியைச் சேர்ந்த சந்தீப் வர்மா என்பவரும் ரீமா வர்மா (30) என்பவரும் காதலித்து திருமணம் செய்து…
திருவாரூர் வடம்போக்கி பகுதியைச் சேர்ந்தவர் சங்கர்ராமன் (73). இவர் அங்குள்ள தெட்சிணாமூர்த்தி மடத்தில் பணியாற்றி வந்தார். இந்நிலையில், தியாகராஜர் கோயில்…