விஜய் அரசியலுக்கு சென்று விட்டதால் இவர்தான் அடுத்த சூப்பர் ஸ்டார்.. மேடையில் குண்டை தூக்கி போட்ட வனிதா..!!

பிரசாந்த் நடிப்பில் உருவான அந்தகன் படம் ஆகஸ்ட் 15-ஆம் தேதி ரிலீசாக உள்ளது. கடந்த 2018-ஆம் ஆண்டு தெலுங்கில் அந்தாதூன் என்ற திரைப்படம் ரிலீஸ் ஆகி வெற்றி பெற்றது. அதனை தமிழில் அந்தகன் என்ற பெயரில் ரீமேக் செய்துள்ளனர். இதனை பிரசாந்தின் தந்தை தியாகராஜன் இயக்கியுள்ளார். நீண்ட இடைவெளிக்கு பிறகு அந்தாதூன் படத்தில் பிரசாந்த் கம்பேக் கொடுப்பார் என எதிர்பார்க்கப்படுகிறது.

இதில் சிம்ரன், பிரியா ஆனந்த், கார்த்திக், சமுத்திரகனி, யோகி பாபு, வனிதா விஜயகுமார், ஊர்வசி உள்ளிட்டோர் முக்கிய கதாபாத்திரத்தில் நடித்துள்ளனர். இந்த படத்தின் இசை வெளியீட்டு விழா பிரம்மாண்டமாக நடைபெற்றது. படத்தின் ஃபர்ஸ்ட் சிங்கிளை தளபதி விஜய் ரிலீஸ் செய்தார். நிலையில் இசை வெளியீட்டு விழாவில் நடிகை வனிதா விஜயகுமார் பேசியதாவது, நான் ஸ்கூல் படிக்கும்போதே பிரசாந்த் சினிமாவில் நடித்துக் கொண்டிருந்தார். அந்த நேரத்தில் பிரசாந்த் எனக்கு கிரஷாக இருந்தார்.

அதன் பிறகு பிரபுதேவா எனக்கு ரொம்ப பிடிக்கும். பிரபுதேவா உடன் நடிக்க வேண்டும் என்றுதான் சினிமாவில் நடிப்பதற்கு ஓகே சொன்னேன். சந்திரலேகா திரைப்படத்தில் முதலில் பிரபுதேவா தான் நடிக்க வேண்டியது. அவருக்கு பதிலாக தான் விஜய் நடித்தார். அதன் பிறகு விஜய் எனக்கு கிரஷ் ஆக மாறிவிட்டார். அப்போதே விஜய் இடம் நீங்கள் சூப்பர் ஸ்டார் ஆகி விடுவீர்கள் என சொன்னேன். இப்போது விஜய் சினிமாவின் உச்சத்தில் இருக்கிறார். தியாகராஜன் சார் போல ஒரு அப்பாவை நான் பார்த்தது கிடையாது. அவர் பிரசாந்துக்கு பல விஷயங்களை பார்த்து பார்த்து செய்வார்.

அவர் என் மீதும் அதிகமான அன்பு வைத்துள்ளார். பல வருடங்களாக அவர்களது குடும்பமும் எங்கள் குடும்பமும் நண்பர்களாக இருக்கிறோம். ஒருமுறை நான் செல்போனை தொலைத்து விட்டு தவித்த போது தியாகராஜன் சார் எனக்கு சர்ப்ரைஸ் ஆக புதிய போன் வாங்கி கொடுத்தார். இப்போது தளபதி விஜய் அரசியலுக்கு செல்ல விருப்பதால் இனி அவரது இடத்தில் பிரசாந்த் வரவேண்டும் என நான் நினைக்கிறேன் என மேடையில் ஓபன் ஆக பேசியுள்ளார்.