விரட்டியடித்தும் உதயநிதி இன்னும் திருந்தவே இல்ல.. வானதி சீனிவாசன் காட்டம்..!!

தமிழ்நாடு சட்டமன்றத்தின் புதிய சபாநாயகராக ஜே.சி.டி.பிரபாகர் தேர்வு செய்யப்பட்டதைத் தொடர்ந்து, அவருக்கு வாழ்த்து தெரிவித்து பேசிய எதிர்க்கட்சித் தலைவர் உதயநிதி ஸ்டாலின், “மக்களைப் பிரிக்கும் சனாதனம் ஒழிக்கப்பட வேண்டும்” என மீண்டும் தனது நிலைப்பாட்டை வலியுறுத்தினார். சட்டமன்ற மரபுப்படி புதிய சபாநாயகரை வாழ்த்திப் பேசும் வேளையில், உதயநிதி ஸ்டாலின் இத்தகைய அரசியல் ரீதியான கருத்தை முன்வைத்தது அரசியல் வட்டாரத்தில் பெரும் விவாதத்தை கிளப்பியுள்ளது. சமூக நீதி மற்றும் சமத்துவத்தின் அவசியத்தை வலியுறுத்தும் வகையில் அவர் இந்த உரையை நிகழ்த்தினார்.

இதற்கு கடும் கண்டனம் தெரிவித்துள்ள பாஜக தேசிய மகளிரணி தலைவர் வானதி சீனிவாசன், திமுகவினரை “வேடதாரிகள்” என்று விமர்சித்துள்ளார். தமிழக மக்கள் இவர்களின் போலித்தனத்தைப் புரிந்து கொண்டுதான் ஏற்கனவே ஆட்சியில் இருந்து விரட்டியடித்தனர் என்றும், இத்தனைக்குப் பிறகும் இவர்கள் திருந்தவில்லை என்றும் அவர் சாடினார். மேலும், சனாதனம் குறித்து தொடர்ந்து அவதூறு பரப்பி வரும் இவர்களை மக்கள் நிச்சயம் திருத்துவார்கள் என்றும், அதற்கான காலம் விரைவில் வரும் என்றும் அவர் தனது அறிக்கையில் எச்சரித்துள்ளார்.