சென்னை விமான நிலையத்தில் செய்தியாளர்களைச் சந்தித்த மதிமுக பொதுச்செயலாளர் வைகோ, முதலமைச்சர் விஜய்யை தாம் நன்கு அறிவேன் என்றும், தமிழ்நாட்டின் முதலமைச்சர் பதவி என்பது அவர் விரும்பி ஏற்றுக்கொண்ட ஒரு பொறுப்பு என்றும் தெரிவித்துள்ளார்.
மேலும், விஜய் தனது அரசியலைத் தமிழகத்தைத் தாண்டி நகர்த்த ஒருபோதும் முனைய மாட்டார் என்றும், தேசிய அரசியலையோ அல்லது பிரதமர் பதவியையோ இலக்காகக் கொண்டு நாட்டின் எல்லையைக் கடந்து செல்ல விரும்பமாட்டார் என்றும் வைகோ சுட்டிக்காட்டியுள்ளார்.
இத்துடன் மேகதாது அணைக் கட்டுப்பாடு விவகாரத்தில் தமிழகத்தின் உரிமையை முதலமைச்சர் விஜய் ஒரு இம்மி அளவு கூட விட்டுக் கொடுக்க மாட்டார் என்று கூறிய வைகோ, கர்நாடக முதலமைச்சரைச் சந்திக்கும் போது இதுகுறித்து வலியுறுத்த வேண்டும் என்றும், அண்மையில் கர்நாடகாவில் 3 தமிழர்கள் சுட்டுக்கொல்லப்பட்ட சம்பவம் மிகவும் ஈவிரக்கமற்ற அக்கிரமமான செயல் என்றும் கண்டனம் தெரிவித்துள்ளார்.