ஈரானிய துறைமுகங்கள் மீதான அமெரிக்காவின் முற்றுகையை மீற முயன்ற பனாமா நாட்டுக் கொடியுடன் கூடிய ‘வேலா நோவா’ என்ற வணிகக் கப்பல் மீது, அமெரிக்க ராணுவ ஹெலிகாப்டர் துப்பாக்கிச் சூடு நடத்தியுள்ளது. ஓமான் வளைகுடாவில் நடந்த இந்தச் சம்பவத்தில், எச்சரிக்கைகளை புறக்கணித்துச் சென்ற கப்பலின் ரேடாரை அமெரிக்க ஹெலிகாப்டர் தாக்கியதில் கப்பலில் தீப்பற்றியது. பின்னர் தீ அணைக்கப்பட்ட நிலையில், கப்பலில் இருந்த 17 மாலுமிகளும் காயங்களின்றி பாதுகாப்பாக இருப்பதை ‘வான்கார்ட்’ கடல்சார் பாதுகாப்பு நிறுவனம் உறுதி செய்துள்ளது. ட்ரம்ப் நிர்வாகம் ஈரான் மீது செலுத்தும் பொருளாதார அழுத்தத்தின் ஒரு பகுதியாகவே இந்நடவடிக்கை எடுக்கப்பட்டுள்ளதாக அமெரிக்க அதிகாரி ஒருவர் தெரிவித்தார்.
மறுபுறம், அல் மாண்டேப் பகுதியில் ஓமனின் சலாலாவிலிருந்து ஜிபூட்டிக்குச் சென்று கொண்டிருந்த ‘திஹாமா’ என்ற சிறிய சரக்குக் கப்பல் மீது அடையாளம் தெரியாத எறிபொருள் தாக்குதல் நடத்தப்பட்டது. தான்சானியக் கொடியுடன் சென்ற இந்தக் கப்பல் மீதான தாக்குதலில் இரண்டு பாகிஸ்தானியர்கள் மற்றும் ஒரு இந்தோனேசியர் என 3 பணியாளர்கள் உயிரிழந்தனர். ஈரான் ஆதரவு பெற்ற ஹவுதி அமைப்பினரே இத்தாக்குதலை நடத்தியதாகக் கருதப்பட்டாலும், அவர்கள் இதுவரை இதற்கு பொறுப்பேற்கவில்லை என்று ஐக்கிய ராச்சியத்தின் கடல்சார் வர்த்தக நடவடிக்கைகள் அமைப்பு தெரிவித்துள்ளது.
ஒருபுறம் அமைதிப் பேச்சுவார்த்தைகள் பற்றிப் பேசப்பட்டாலும், மத்திய கிழக்கில் பதற்றமும் தாக்குதல்களும் தணிந்தபாடில்லை. ஈரானிய அரசு மீதுத் தொடர்ந்து பொருளாதார மற்றும் ராணுவ ரீதியான அழுத்தங்களைப் பிரயோகிப்பதில் அமெரிக்கா உறுதியாக உள்ளது. தங்கள் மீது தாக்குதல் நடத்தப்பட்டால் கடுமையான பதிலடி கொடுக்கப்படும் என்று ஈரானும் தொடர்ந்து எச்சரித்து வருவதால், இந்த பிராந்தியத்தில் எப்போது அமைதி திரும்பும் என்ற கேள்வி உலக நாடுகள் மத்தியில் பெரும் கவலையை ஏற்படுத்தியுள்ளது.
இதற்கிடையே, அமெரிக்க அதிபர் டொனால்ட் ட்ரம்ப் எடுத்துள்ள புதிய முடிவு இந்த மோதலை மேலும் தீவிரப்படுத்தியுள்ளது. ஈரான் அமெரிக்காவிடம் இழப்பீடு கேட்டு வந்த நிலையில், அதற்கு மாறாக ஈரான்தான் அமெரிக்காவிற்கு இழப்பீடு வழங்க வேண்டும் என்று ட்ரம்ப் புதிய சர்ச்சையைக் கிளப்பியுள்ளார். இரு தரப்பும் தங்களது நிலப்பாட்டிலிருந்து பின்வாங்காமல் மோதல் போக்கைக் கடைப்பிடித்து வருவதால், இப்போதைக்கு இந்தப் போர்ச் சூழல் முடிவுக்கு வராது என்பதையே தற்போதைய நிகழ்வுகள் காட்டுகின்றன.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…