அய்யோ அந்த பொண்ணா?.. நடிக்கவே மாட்டேன்னு தெறித்து ஓடிய விஜயகாந்த்.. காரணத்தை போட்டுடைத்த ஊர்வசி..!

தமிழ் சினிமாவில் தனித்துவமான நடிப்பு மற்றும் நகைச்சுவையால் எக்கச்சக்கமான ரசிகர்களின் ஃபேவரைட் நடிகையாக இன்றும் இறந்து கொண்டிருப்பவர் தான் நடிகை ஊர்வசி. தமிழ் மட்டுமல்லாமல் தெலுங்கு மற்றும் கன்னடம் என பல மொழிகளில் டாப் நடிகர்களுடன் அவர்களுடைய நடிப்புக்கு ஈடு கொடுத்து தனது அசாத்திய நடிப்பால் அசத்தியவர். தமிழில் பாக்கியராஜ் இயக்கிய முந்தானை முடிச்சு என்ற திரைப்படம் மூலம் தான் கதாநாயகியாக சினிமா உலகிற்குள் நுழைந்தார். கவிதா ரஞ்சனி என்ற இயற்பெயர் கொண்ட இவர் சினிமாவுக்காக தன்னுடைய பெயரை ஊர்வசி என்று மாற்றிக் கொண்டார்.

பல சூப்பர் ஹீரோக்களுடன் நடித்த தமிழ் சினிமாவின் முன்னணி நடிகையாக இருந்த ஊர்வசி கேரளா நடிகர் மனோஜ் ஜெயின் என்பவரை 2000 ஆம் ஆண்டு காதலித்து திருமணம் செய்து கொண்டார். இவர்களுக்கு தேஜலக்ஷ்மி என்ற மகளும் உள்ளார். எட்டு ஆண்டுகளுக்குப் பிறகு இருவருக்கும் இடையே ஏற்பட்ட மனக்கசப்பு காரணமாக இருவரும் விவாகரத்து பெற்று பிரிந்தனர். மகள் தேஜலக்ஷ்மி தந்தை மனோஜுடன் வாழ்ந்து வருகிறார். 2013 ஆம் ஆண்டு சிவ பிரசாத் என்பவரை திருமணம் செய்து கொண்ட ஊர்வசி 43 வயதில் மகனுக்கு தாயானார். தற்போதும் ஊர்வசி பல திரைப்படங்களில் பிசியாக நடித்து வருகின்றார்.

இந்த நிலையில் ஊர்வசி சமீபத்தில் அளித்த பேட்டியில் மறைந்த நடிகர் விஜயகாந்த் பற்றி பல சுவாரஸ்யமான தகவல்களை பகிர்ந்து கொண்டார். அதில், எப்போதுமே விஜயகாந்த் என்னை தங்கச்சி தங்கச்சி என்று தான் அழைப்பார். என் கூட இணைந்து இரண்டு திரைப்படங்களில் மட்டுமே நடித்துள்ளார். நான் தான் ஹீரோயின் என்று சொன்னதும் என் கூட நடிக்கவே மாட்டேன்னு டைரக்டர் கிட்ட சொல்லிட்டாரு. தங்கச்சி என அவருடன் பழகி வருகிறேன் எப்படி எனக்கு ஜோடியாக ஊர்வசியை நினைக்க முடியும் என்ற ஒரு காரணத்தினால் நடிக்கவே மாட்டேன்னு சொல்லிட்டாரு.

அதன் பிறகு எல்லோரும் பேசி சம்மதிக்க வைத்து படத்தில் நடிக்க வைத்தார்கள். படத்துல நடிக்கும் போது கூட அவருடைய கலர் என்ன என்னுடைய கலர் என்ன, கிட்ட நிற்கவே முடியல என்றெல்லாம் கலர வைத்து கிண்டல் பண்ணி பேசுவாரு. படத்துல பல காட்சிகளின் அவர் என்ன நேருக்கு நேர் பார்த்து பேசவே மாட்டாரு. அந்த அளவுக்கு நல்ல குணம் கொண்ட மனுஷன் என்று ஊர்வசி சமீபத்தில் அளித்த பேட்டியில் பேசியுள்ளார்.