பந்து பாய்ந்து வந்த வேகம்.. மண்டை ஓடு என்னானது..? லுங்கி இங்கிடியின் தற்போதைய நிலை குறித்து வெளியான அப்டேட்..!!

பஞ்சாப் அணிக்கு எதிரான ஐபிஎல் போட்டியின் போது, டெல்லி கேபிடல்ஸ் அணியின் வேகப்பந்து வீச்சாளர் லுங்கி இங்கிடி தலையில் காயமடைந்து மருத்துவமனையில் அனுமதிக்கப்பட்டது ரசிகர்களிடையே பெரும் கவலையை ஏற்படுத்தியது. மைதானத்தில் பந்து தாக்கியதில் பலத்த காயமடைந்த அவருக்கு, உடனடியாகத் தீவிர மருத்துவக் கண்காணிப்பில் வைத்து சிகிச்சையளிக்கப்பட்டது. இதனால் டெல்லி அணி நிர்வாகம் மற்றும் ரசிகர்கள் பெரும் பதற்றத்தில் இருந்தனர்.

இந்நிலையில், லுங்கி இங்கிடியின் உடல்நிலை தற்போது சீராக இருப்பதாக அணி நிர்வாகம் நிம்மதியளிக்கும் தகவலை வெளியிட்டுள்ளது. அவருக்கு மேற்கொள்ளப்பட்ட விரிவான ஸ்கேன் பரிசோதனைகளில், தலையில் பெரிய அளவிலான பாதிப்புகள் ஏதுமில்லை என்பது உறுதி செய்யப்பட்டுள்ளது. இதன் காரணமாக அவர் விரைவில் மருத்துவமனையிலிருந்து டிஸ்சார்ஜ் செய்யப்பட உள்ளதாகவும், அவர் மீண்டும் களத்திற்குத் திரும்புவது குறித்த அறிவிப்பு விரைவில் வெளியாகும் என்றும் எதிர்பார்க்கப்படுகிறது.