இயக்குனர் எச் வினோத் சதுரங்க வேட்டை மற்றும் தீரன் அதிகாரம் 1 போன்ற படங்களை இயக்கி ரசிகர்களிடம் பெரிய வரவேற்பை பெற்றவர். அடுத்து அவர் அஜீத்குமார் நடித்த நேர்கொண்ட பார்வை வலிமை துணிவு போன்ற படங்களை இயக்கினார். அதன்பிறகு விஜய் நடித்த ஜனநாயகன் படத்தை டைரக்ட் செய்திருக்கிறார். இந்த படம் இன்னும் திரைக்கு வரவில்லை.
இந்நிலையில் எச் வினோத் அடுத்ததாக தனுஷ் நடிக்கும் படத்தை இயக்குவதாக இருந்த நிலையில் அதுவும் ஓராண்டுக்கு தள்ளிப் போய்விட்டது. மேலும் கார்த்தி விக்ரம் இயக்கும் படங்கள் குறித்த பேச்சுவார்த்தை நடந்து வருகிறது. இன்னும் அது முடிவாகவில்லை. இதற்கிடையே அவர் ஒரு சின்ன படம் ஒன்றை இயக்க திட்டமிட்டுள்ளார். அதில் ஹீரோவாக நடிகர் யோகிபாபு நடிக்கிறார் என்றும் தகவல் வெளியாகி உள்ளது.
விஜய் அஜீத்குமார் போன்ற மாஸ் ஹீரோக்களை வைத்து படம் இயக்கிய எச் வினோத் இயக்கும் அடுத்த படத்தின் ஹீரோ யோகிபாபு என்பது ரசிகர்களை அதிர்ச்சியடைய செய்துள்ளது. இது என்னய்யா கொடுமையா இருக்குது என்று புலம்பி வருகின்றனர். அதுவும் தளபதி விஜய் இன்னும் திரைக்கு வராத நிலையில் யோகிபாபு நடிக்கும் படத்தை எச் வினோத் இயக்குகிறாரா என்றும் பலர் கேள்வி எழுப்பி வருகின்றனர்.