திமுக தலைவர் ஸ்டாலின் கட்சியின் உட்கட்டமைப்பில் வரலாறு காணாத அதிரடி மறுசீரமைப்பை மேற்கொண்டுள்ளார். இதன் மூலம் திமுகவின் அமைப்பு ரீதியான மாவட்டங்களின் எண்ணிக்கை 77-லிருந்து 110-ஆக அதிரடியாக உயர்த்தப்பட்டுள்ளது. பல தசாப்தங்களாகக் கட்சியில் ஆதிக்கம் செலுத்தி வந்த மூத்த தலைவர்கள் மற்றும் “குறுநில மன்னர்கள்” என்று வர்ணிக்கப்பட்ட சீனியர் மாவட்டச் செயலாளர்களின் பிடியைத் தளர்த்தி, ஒட்டுமொத்தக் கட்சியின் அதிகாரத்தையும் உதயநிதி ஸ்டாலினின் ஒற்றைக் கட்டுப்பாட்டுக்குள் கொண்டுவரும் நோக்கில் இம்மாற்றம் அமைந்துள்ளது.
இளைஞர் அணியினரையும் புதிய முகங்களையும் அடிமட்டக் கட்டமைப்பு முதல் தலைமை வரை அமர்த்துவதன் மூலம் திமுகவில் அதிகாரப்பூர்வமாக ‘உதயநிதி சகாப்தம்’ தொடங்கியுள்ளது. ஜனவரி 22 அன்று நடைபெற்ற உயர்நிலைச் செயல் திட்டக் கூட்ட முடிவின்படி, மாவட்டச் செயலாளர்களுக்கு 70 வயது வரம்பும், அதிகபட்சமாக 3 முறை மட்டுமே பதவி வகிக்க முடியும் என்ற புதிய விதியும் விதிக்கப்பட்டுள்ளது. இதன் காரணமாகப் பதவியில் உள்ள 13 முன்னாள் அமைச்சர்கள் உட்படப் பல மூத்த நிர்வாகிகள் விடுவிக்கப்பட்டு, 50-க்கும் மேற்பட்ட புதிய, இளம் தலைமுறையினருக்குப் பொறுப்புகள் வழங்க வழிவகை செய்யப்பட்டுள்ளது.
நிர்வாக வசதிக்காகவும் களப்பணியை தீவிரப்படுத்தவும் சென்னை நகரம் 10 உட்கட்சி மாவட்டங்களாகப் பிரிக்கப்பட்டுள்ளதுடன், பெரிய தொகுதியான சோழிங்கநல்லூர் தனி மாவட்டமாக உருவெடுத்துள்ளது. கோயம்புத்தூர், மதுரை, சேலம் ஆகிய நகரங்கள் தலா 5 மாவட்டங்களாகவும்; திருச்சி, கடலூர், ஈரோடு, திருப்பூர், தஞ்சாவூர், திருவண்ணாமலை ஆகியவை தலா 4 மாவட்டங்களாகவும் பரவலாக்கப்பட்டுள்ளன. மண்டல வாரியாக வட, மத்திய, மேற்கு மற்றும் தென் மாவட்டங்களின் எல்லைகள் மறுவரையறை செய்யப்பட்டு, கிருஷ்ணகிரி, திண்டுக்கல், தூத்துக்குடி, கன்னியாகுமரி உள்ளிட்ட பகுதிகள் தலா 3 மாவட்டங்களாக மாற்றியமைக்கப்பட்டுள்ளன.
புதிதாக உருவாக்கப்பட்டுள்ள 110 மாவட்ட எல்லைகளுக்கு ஏற்ப, தங்களின் கீழ் வரும் நகரம், ஒன்றியம், பகுதி, பேரூர் மற்றும் கிளைக் கழகங்களை மறுசீரமைப்பு செய்து 15 நாட்களுக்குள் பரிந்துரைகளை அனுப்புமாறு தலைமைக் கழகம் உத்தரவிட்டுள்ளது. அதிகாரத்தைப் பரவலாக்குவது, இளைஞர்களுக்கு வாய்ப்பளிப்பது மற்றும் அடிமட்டத் தொண்டர்களை நேரடியாக வழிநடத்துவது என உதயநிதி ஸ்டாலினின் எதிர்கால வியூகங்களுக்கு ஏற்ப திமுகவின் கள அரசியல் முழு வீச்சில் உருமாறி வருகிறது.
டேராடூனின் படேல் நகரில் நிகழ்ந்த துணிகரக் கொள்ளை சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. மக்கள் நடமாட்டம் அதிகம் உள்ள…
மனைவியைப் பிரிந்து வாழ்ந்துவந்த ஆட்டோ ஓட்டுநரான ரமேஷ், பாபு என்பவரின் மகளோடு நட்பு பாராட்டி வந்துள்ளார். இந்தத் தொடர்பை பாபு…
சம்பல் மாவட்டம் பஹ்ஜோய் காவல் எல்லைக்குட்பட்ட பகுதியில், கூடுதல் வரதட்சணையாக மோட்டார் சைக்கிளும் தங்கச் சங்கிலியும் தராத காரணத்தால் ராதா…
வீட்டில் பரிசோதித்த கர்ப்பப் பரிசோதனை முடிவும் வயிறு பெரிதானதும் ஒரு தாய்க்குத் தன் பதின்ம வயது மகள் மீது தவறான…
மத்தியப் பிரதேசத்தின் ராய்சென் மாவட்டம், தேவரி வட்டாரத்தில் அமைந்துள்ள படாய் கிராமத்து நர்மதை ஆற்றங்கரையில், விளையாடிக்கொண்டிருந்த சிறுவர்கள் மண்ணைத் தோண்டியபோது…
பீகார் மாநிலம் பாட்னா அருகிலுள்ள பார் பகுதியில் தீபாவளி பண்டிகையன்று இரவு அதிர்ச்சிகரமான குற்றச்சம்பவம் ஒன்று நிகழ்ந்துள்ளது. வெகுநேரமாகியும் வீடு…