சென்னை வடசென்னை நாடாளுமன்ற உறுப்பினர் கலாநிதி வீராசாமியின் இல்லத் திருமண விழாவில் இன்று பங்கேற்றுப் பேசிய எதிர்க்கட்சித் தலைவர் உதயநிதி ஸ்டாலின், தமிழக வெற்றி கழகத்தின் (தவெக) தற்போதைய அரசை மிகக் கடுமையாகச் சாடினார். தவெக ஆட்சியை “ஸ்டிக்கர் ஒட்டும் சோபா மாடல் அரசு” என்று விமர்சித்த அவர், இந்த மக்கள் விரோத ஆட்சியைத் தமிழக மக்கள் விரைவில் வீட்டுக்கு அனுப்பும் நாள் வெகு தொலைவில் இல்லை என்று திட்டவட்டமாகக் குறிப்பிட்டார்.
மேலும், தற்போதைய ஆட்சியின் செயல்பாடுகளால் தமிழகத்தின் வளர்ச்சி முடங்கியுள்ளதாகக் குற்றம் சாட்டிய உதயநிதி ஸ்டாலின், அடுத்த தேர்தலில் மு.க.ஸ்டாலின் தலைமையில் மீண்டும் திமுக ஆட்சி அமையும் என்று உறுதிபடத் தெரிவித்தார். திமுக மீண்டும் ஆட்சிப் பொறுப்பேற்றதும், முடங்கிக் கிடக்கும் திட்டங்கள் அனைத்தும் முடுக்கிவிடப்பட்டு, தமிழ்நாடு மீண்டும் வளர்ச்சிப் பாதையில் வீறுநடை போடும் என்றும் அவர் தனது உரையில் நம்பிக்கை தெரிவித்தார்.