அட கொடுமையே… நீங்களா அடங்கவே மாட்டிங்களா?… ரீல்ஸ் மோகம் பறித்த இளம் உயிர்கள்… கதறும் பெற்றோர்கள்… கடற்கரையில் நேர்ந்த கொடூரம்… அதிர்ச்சியில் சக மாணவர்கள்…!

சென்னையை அடுத்த எண்ணூர் கடற்கரையில் நண்பர்களுடன் சமூக வலைத்தளங்களுக்காக ரீல்ஸ் வீடியோ எடுத்துக்கொண்டிருந்தபோது கடலில் மூழ்கி இரண்டு பொறியியல் மாணவர்கள் பரிதாபமாக உயிரிழந்த சம்பவம் பெரும் சோகத்தை ஏற்படுத்தியுள்ளது. அம்பத்தூர் அருகே உள்ள சோரப்பட்டு பகுதியைச் சேர்ந்த ஐந்துகொண்ட கல்லூரி நண்பர்கள் குழுவினர் சனிக்கிழமையன்று எண்ணூர் கடற்கரைக்குச் சென்றுள்ளனர். அவர்களில் கிர்த்திகா 19 மற்றும் ஆகாஷ் 20 ஆகிய இருவரும் கடலில் இறங்கி குளித்தபோது, எதிர்பாராதவிதமாக வந்த ராட்சத அலைகள் அவர்களை இழுத்துச் சென்றன. கரையிலிருந்த மற்ற நண்பர்கள் இதைத் செல்போனில் பதிவு செய்து கொண்டிருந்தனர் என்பது குறிப்பிடத்தக்கது.

https://twitter.com/Crime_Selvaraj/status/2081007239108956613/photo/1

உடனடியாக அருகில் இருந்த மீனவர்கள் கடலில் இறங்கி கிர்த்திகாவை மீட்டு மருத்துவமனைக்குக் கொண்டு சென்றனர், ஆனால் அவர் ஏற்கனவே இறந்துவிட்டதாக மருத்துவர்கள் தெரிவித்தனர். தகவல் அறிந்து வந்த தீயணைப்புத் துறையினரும் மீனவர்களும் இணைந்து தீவிர தேடுதல் வேட்டைக்குப் பிறகு, மூன்று மணி நேரத்திற்குப் பின்னர் ஆகாஷின் உடலையும் மீட்டனர். உயிரிழந்த இரு மாணவர்களின் உடல்களும் பிரேத பரிசோதனைக்காக அரசு ஸ்டான்லி மருத்துவமனைக்கு அனுப்பி வைக்கப்பட்டுள்ள நிலையில், எண்ணூர் போலீசார் வழக்குப் பதிவு செய்து விசாரணை நடத்தி வருகின்றனர்.