தெலங்கானா மாநிலம் ஹைதராபாத்தில் 17 வயதே ஆன மைனர் சிறுவன் ஒருவன் காரை அதிவேகமாகவும் அலட்சியமாகவும் ஓட்டி வந்து, சாலையில் இருசக்கர வாகனத்தில் சென்று கொண்டிருந்த சகோதரர்கள் இருவர் மீது கொடூரமாக மோதி விபத்தை ஏற்படுத்திய சம்பவம் பெரும் அதிர்வலையை ஏற்படுத்தியுள்ளது.
வீட்டில் சண்டை போட்டுவிட்டு காரின் சாவியை எடுத்துக்கொண்டு வீதிக்கு வந்த அந்த மைனர் சிறுவன், காரை அசுர வேகத்தில் இயக்கியுள்ளான். அப்போது முன்னால் பைக்கில் சென்றுகொண்டிருந்த இரு உடன்பிறந்த சகோதரர்கள் மீது கார் பலமாக மோதியது. இதில் தூக்கி வீசப்பட்ட சகோதரர்கள் இருவரும் ரத்த வெள்ளத்தில் சரிந்து உயிருக்குப் போராடினர்.
https://twitter.com/GudduWeb/status/2099850402435084370
விபத்தைக் கண்டு அதிர்ச்சியடைந்த பொதுமக்கள், படுகாயமடைந்த இருவரையும் மீட்டு அவசர அவசரமாக மருத்துவமனையில் அனுமதித்தனர். தற்போது அவர்கள் தீவிர சிகிச்சைப் பிரிவில் உயிருக்குப் போராடி வருகின்றனர். “சிறுவர்களுக்குக் காரைக் கொடுத்து மற்றவர்களின் உயிரோடு விளையாடும் பெற்றோர்களை உடனடியாகக் கைது செய்து சிறையில் அடைக்க வேண்டும்” என சமூக வலைதளங்களில் பொதுமக்கள் கடும் ஆவேசத்தையும் கண்டனத்தையும் தெரிவித்து வருகின்றனர்.