திடீர் திருப்பம்…. விஜய் எடுத்த புதிய அதிரடி முடிவு… அனல் பறக்கும் தமிழக அரசியல் களம்…!

தமிழக வெற்றி கழகம் தலைவர் விஜய் 2026 சட்டமன்றத் தேர்தலை எதிர்கொள்ள தயாராகி வருகின்றார். சமீபத்தில் கரூரில் நடந்த தேர்தல் பிரச்சாரக் கூட்டத்தில் ஏற்பட்ட நெரிசலில் சிக்கி 41 பேர் உயிரிழந்த விவகாரம் விஜய்க்கு அரசியலில் மிகப்பெரிய பின்னடைவை ஏற்படுத்தியது. இருந்தாலும் அதனை சட்டரீதியாக கையாண்டு வரும் விஜய் தனது கட்சியை மேலும் பலப்படுத்தும் முயற்சியில் தீவிரம் காட்டி வருகிறார். அதேசமயம் கடந்த இரண்டு மாதங்களாக தேர்தல் பரப்புரை மேற்கொள்ளாமல் இருந்த நிலையில் வருகின்ற டிசம்பர் மாதத்தில் சேலத்தில் தனது தேர்தல் பரப்புரையை மீண்டும் விஜய் தொடங்க உள்ளார்.

இந்நிலையில் கரூர் அசம்பாவிதத்தை போல இனி எப்போதும் நடந்து விடக்கூடாது என்பதில் விஜய் உறுதியாக உள்ளாராம். இதனைத் தொடர்ந்து தமிழக வெற்றி கழகம் கட்சியில் உருவாக்கப்பட்ட தொண்டர் அணிக்கான பயிற்சியை கடந்த சில நாட்களாக சுங்குவார் சத்திரத்தில் உள்ள தனியார் கல்லூரி வளாகத்தில் அளிக்கப்பட்டு வருகிறது. டிசம்பர் மாதத்தில் விஜய் மீண்டும் பரப்புரையை தொடங்க உள்ள நிலையில் நவம்பர் 23ஆம் தேதி பயிற்சி பெறும் தொண்டரணிக்கு விஜய் நேரடியாக அறிவுரை வழங்க உள்ளதாக புதிய தகவல் வெளியாகி உள்ளது.