தவெக கட்சியின் சட்டமன்ற உறுப்பினர்களை ராஜினாமா செய்ய வைத்து, அவர்களை திமுகவிற்கு இழுக்கப் பார்ப்பதாக ஒரு குற்றச்சாட்டு பரவி வரும் நிலையில், அதற்கு உதயநிதி ஸ்டாலின் தனது பாணியில் கிண்டலாகவும் ஆவேசமாகவும் பதிலடி கொடுத்துள்ளார். செய்தியாளர்களைச் சந்தித்த அவர், “தங்களுக்கு தவெக எம்.எல்.ஏ-க்கள் யாரென்றே தெரியாது” என்று நகைச்சுவையாகக் குறிப்பிட்டதோடு, தவெக தலைவர் விஜய்க்கு நேரடியாக ஒரு சவாலையும் விடுத்துள்ளார். “உங்களுடைய தாத்தா வந்தாலும் பொய் வழக்குகளுக்கு நாங்கள் அஞ்ச மாட்டோம்” என்று முதலமைச்சர் மற்றும் விஜய் தரப்புக்கு நேரடி எச்சரிக்கை விடுத்துள்ள உதயநிதியின் இந்தப் பேச்சு, தமிழக அரசியலில் பெரும் பரபரப்பைக் கிளப்பியுள்ளது.
தவெக ஆட்சி கவிழ்ப்பு சதி வழக்கு அரசியல் வட்டாரத்தில் சலசலப்பை ஏற்படுத்தி வரும் இந்தச் சூழலில், திமுக மற்றும் தவெக ஆகிய இரு தரப்பிற்கும் இடையேயான இந்த நேரடி மோதல் தற்போதைய அரசியல் விவாதங்களின் முக்கிய பேசுபொருளாக மாறியுள்ளது.