தமிழகத்தில் அடுத்த ஆண்டு நடைபெற உள்ள சட்டப்பேரவை தேர்தலை முன்னிட்டு அரசியல் கட்சிகளின் பணிகள் தீவிரமடைந்துள்ளது. இப்படியான சூழலில் மதுரையில் தமிழக வெற்றி கழகத்தின் இரண்டாவது மாநில மாநாடு நேற்று பிரம்மாண்டமாக நடைபெற்றது. வாகை சூடும் வரலாறு திரும்புகிறது, வெற்றி பேரணியில் தமிழ்நாடு என்ற முழக்கத்துடன் மாநாடு நடைபெற்றது. மதுரையின் புறநகர் பகுதியான பாரபத்தியில் சுமார் 506 ஏக்கர் பரப்பளவில் மாநாட்டு திடல் பிரம்மாண்டமாக அமைக்கப்பட்டு லட்சக்கணக்கான தொண்டர்கள் மத்தியில் மாநாடு பிரம்மாண்டமாக நடைபெற்றது. இந்த மாநாட்டின்போது ரேம்ப் வாக்கில் நடந்துவந்த தலைவர் விஜய், அங்கிருந்த தொண்டர்களுடன் செல்ஃபி வீடியோ எடுத்தார்.
உங்க விஜய் உங்க விஜய்
உயிரென வர்றேன் நான்உங்க விஜய் உங்க விஜய்
எளியவன் குரல் நான்உங்க விஜய் உங்க விஜய்
தனி ஆள் இல்ல கடல் நான் pic.twitter.com/FRQcu4b8aq— Vijay (@actorvijay) August 22, 2025
இந்நிலையில் இதனை சமூக வலைதள பக்கத்தில் பகிர்ந்துள்ள அவர், ‘உங்க விஜய் உங்க விஜய் உயிரென வர்றேன். நான் உங்க விஜய் உங்க விஜய். எளியவன் குரல். நான் உங்க விஜய் உங்க விஜய் தனி ஆள் இல்ல கடல் நான்” என்றும் குறிப்பிட்டுள்ளார். இது வெறும் ரசிகர்களின் கூட்டம், கூட்டமாக கூடியவர்களை வாக்குகளாக மாற்றுவது சிரமம் என்று விமர்சனங்கள் எழுந்து நிலையில் இந்த வீடியோ தற்போது வைரலாகிறது.