தமிழக சட்டமன்றத் தேர்தல் முடிவுகள் அரசியல் வட்டாரத்தில் பெரும் அதிர்வலைகளை ஏற்படுத்தியுள்ளன. குறிப்பாக, தவெக (தமிழக வெற்றி கழகம்) பெரும்பான்மையான தொகுதிகளைக் கைப்பற்றி ஆட்சியைப் பிடித்துள்ள நிலையில், திமுக இரண்டாம் இடத்தையும், அதிமுக மூன்றாம் இடத்தையும் பெற்றுள்ளன. அதிமுகவின் எஃகு கோட்டையாகக் கருதப்பட்ட கோயம்புத்தூர் மாவட்டத்தில், இம்முறை தவெக நிகழ்த்தியுள்ள “சம்பவம்” அரசியல் விமர்சகர்களை வியப்பில் ஆழ்த்தியுள்ளது. கடந்த 2021 தேர்தலில் 10-க்கு 10 தொகுதிகளையும் தன் வசம் வைத்திருந்த அதிமுக கூட்டணியை நிலைகுலையச் செய்து, அங்குள்ள 10 தொகுதிகளில் 6-ஐ தவெக தட்டிப்பறித்துள்ளது.
கோவை மாவட்டத்தை எப்படியாவது கைப்பற்ற வேண்டும் என்ற நோக்கில், திமுக சார்பில் அமைச்சர் செந்தில் பாலாஜி “ஸ்பெஷல் அஸைன்மென்ட்” மூலம் களமிறக்கப்பட்டார். கோவை தெற்கு தொகுதியில் அவர் போட்டியிட்டதால், அவருக்கும் அதிமுகவின் வேலுமணிக்கும் இடையே கடுமையான அதிகாரப் போட்டி நிலவியது. முதலமைச்சர் ஸ்டாலின், உதயநிதி ஸ்டாலின் மற்றும் கமல்ஹாசன் போன்றோர் திமுகவிற்காக தீவிர பிரச்சாரத்தில் ஈடுபட்டனர். மறுபுறம் அதிமுகவுக்காக பிரதமர் நரேந்திர மோடி மற்றும் எடப்பாடி பழனிசாமி ஆகியோர் சூறாவளி பிரச்சாரம் மேற்கொண்டனர். இத்தனை நட்சத்திரப் பேச்சாளர்கள் களமிறங்கியும், கோவையில் திராவிடக் கட்சிகளின் செல்வாக்கு இம்முறை சரிவைக் கண்டுள்ளது.
தேர்தல் முடிவுகளின்படி, அதிமுகவின் கோட்டையில் அக்கட்சியால் தொண்டாமுத்தூர் தொகுதியை மட்டுமே தக்கவைக்க முடிந்தது; அங்கு வேலுமணி வெற்றி பெற்றார். திமுகவைப் பொறுத்தவரை, கடும் போராட்டத்திற்கு இடையே கோவை தெற்கு (செந்தில் பாலாஜி), பொள்ளாச்சி, வால்பாறை ஆகிய 3 தொகுதிகளில் மட்டுமே வெற்றி காண முடிந்தது. இதில் செந்தில் பாலாஜி மிகக் குறைந்த வாக்கு வித்தியாசத்தில்தான் வெற்றி பெற்றுள்ளார். மற்ற 7 தொகுதிகளிலும் அதிமுக மூன்றாம் இடத்திற்கு தள்ளப்பட்டது அக்கட்சிக்கு பெரும் பின்னடைவாகக் கருதப்படுகிறது.
யாரும் எதிர்பாராத வண்ணம் கோவை வடக்கு, மேட்டுப்பாளையம், கவுண்டம்பாளையம், சிங்காநல்லூர், சூலூர், மற்றும் கிணத்துக்கடவு ஆகிய 6 தொகுதிகளில் தவெக வேட்பாளர்கள் மாபெரும் வெற்றி பெற்றுள்ளனர். இரண்டாம் கட்டத் தலைவர்கள் பெரிய அளவில் பிரச்சாரம் செய்யாத நிலையிலும், தவெகவின் இந்த எழுச்சி சென்னை, மதுரை வரிசையில் கோவையையும் அக்கட்சியின் புதிய கோட்டையாக மாற்றியுள்ளது. அதிமுக, திமுக ஆகிய இரு பெரும் சக்திகளுக்கும் அதிர்ச்சி வைத்தியம் அளித்துள்ள இந்த வெற்றி, தமிழக அரசியலில் ஒரு புதிய சகாப்தத்தின் தொடக்கமாகப் பார்க்கப்படுகிறது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…