BREAKING: விஜய்க்கு புதிய சிக்கல்… தவெகவினர் மீது அதிரடியாக பாய்ந்த வழக்கு… பரபரப்பு….!

தமிழகத்தில் 2026 ஆம் ஆண்டு சட்டமன்றத் தேர்தல் நெருக்கி கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பிரச்சாரத்தில் ஈடுபட்டு வருகின்றன. அதன்படி தமிழக வெற்றிக்கழகம் கட்சியின் தலைவர் விஜய் கடந்த வாரம் தனது முதல் தேர்தல் பிரச்சாரத்தை திருச்சியில் தொடங்கிய நிலையில் நேற்று நாகை மற்றும் திருவாரூரில் தேர்தல் பிரச்சாரம் செய்தார்.

இந்நிலையில் நாகைபுத்தூர் அண்ணா சிலை அருகே நேற்று விஜய் பரப்புரை மேற்கொண்ட போது தமிழக வெற்றி கழகம் கட்சியினர் ஏறியதில் மாதா கோவில் மண்டப சுவர் இடிந்து விழுந்து உள்ளது. இது தொடர்பாக கட்சியினர் மீது போலீஸ் நடவடிக்கை பாய்ந்துள்ளது. அத்துமீறல் மற்றும் சொத்துக்களுக்கு சேதம், மிரட்டல் உள்ளிட்ட பிரிவுகளின் கீழ் நாகை தமிழக வெற்றி கழகம் மாவட்ட செயலாளர் உள்ளிட்டோர் மீது போலீசார் வழக்கு பதிவு செய்துள்ள நிலையில் பெரும் பரபரப்பு ஏற்பட்டுள்ளது.