இயல், இசை, நாடக மன்றத்தின் தலைவர் பதவிக்காக ரூ. 5 கோடி லஞ்சம் கொடுக்க முன்வந்தது யார் என்ற விவகாரம் தமிழக அரசியலில் பெரும் புயலைக் கிளப்பியுள்ளது. சென்னை அருங்காட்சியக அரங்கில் நடைபெற்ற தமிழ்நாடு நாள் விழாவில் பேசிய அமைச்சர் ராஜ்மோகன், “இயல், இசை, நாடக மன்றத் தலைவர் பதவியை தனக்கு வழங்கினால் ரூ. 5 கோடி தருவதாக ஒருவர் கூறினார்” எனப் பேசியிருந்தார். இதற்குக் காரசாரமாகப் பதிலளித்த அமமுக பொதுச்செயலாளர் டிடிவி தினகரன், “அமைச்சர் ராஜ்மோகன் என்ன ஹரிச்சந்திரனுக்கு அடுத்த வீட்டுக்காரரா? லஞ்சம் கொடுக்கத் துணிந்த அந்த நபர் யார் என்பதை வெளிப்படையாகச் சொல்ல வேண்டியதுதானே?” எனக் கேள்வி எழுப்பியுள்ளார்.
முன்னதாக, சென்னை கிண்டியில் உள்ள ஆளுநர் மாளிகையில் தமிழக ஆளுநர் ராஜேந்திர அர்லேகரை மரியாதையின் நிமித்தமாகவும், தீபாவளி பண்டிகையை முன்னிட்டும் சந்தித்து வாழ்த்து தெரிவித்த பின் செய்தியாளர்களைச் சந்தித்த டிடிவி தினகரன் இக்கருத்துகளைத் தெரிவித்தார். மேலும் பேசிய அவர், “தமிழகத்தில் மற்ற மாநிலங்களை விட அரிசியின் விலை 50 சதவீதம் வரை உயர்ந்துள்ளது. இந்த ஆட்சியில் விலைவாசி விண்ணை முட்டும் அளவுக்குச் சென்றுள்ள நிலையில், நிலவரத்தைச் சரிசெய்யாமல் உண்மையைப் பேசுபவர்களை அரசு மிரட்டி வருகிறது” என்றும் குற்றம்சாட்டினார்.
அமைச்சர் ராஜ்மோகனின் இந்தப் பேச்சு அரசியல் வட்டாரத்தில் பெரும் விவாதத்தைக் கிளப்பியுள்ள நிலையில், அதிமுக முன்னாள் அமைச்சர் ஜெயக்குமார் மற்றும் மார்க்சிஸ்ட் கம்யூனிஸ்ட் கட்சியின் மாநிலச் செயலாளர் பெ.சண்முகம் உள்ளிட்ட பல தலைவர்களும், அந்த நபரின் பெயரைப் பொதுவெளியில் அம்பலப்படுத்த வேண்டும் என வலியுறுத்தியுள்ளனர். மேலும், அமைச்சருக்கு லஞ்சம் கொடுக்க முயன்ற நபர் யார் என்பது குறித்து விரிவான விசாரணை நடத்தப்பட வேண்டும் என்று திமுக வழக்கறிஞர் பரந்தாமன் தரப்பிலும் புகார் அளிக்கப்பட்டு நடவடிக்கை கோரப்பட்டுள்ளது.
முன்னதாக, லயோலா மணியிடம் நடந்த இச்சம்பவம் குறித்துத் தெரிவித்ததாகக் கூறிய ராஜ்மோகன், எவ்வளவு பணம் கொடுத்தாலும் தகுதியற்ற நபர்களுக்கு விஜய் பதவி வழங்க மாட்டார் என்றும், புஷ்பவனம் குப்புசாமிக்கே அப்பதவி ஒரு ரூபாய் கூடப் பெறாமல் வழங்கப்பட்டதாகவும் குறிப்பிட்டிருந்தார். இருப்பினும், பல கோடி ரூபாய் சம்பந்தப்பட்ட இந்த விவகாரத்தில் லஞ்சம் கொடுக்க முயன்றவர் யார் என்ற உண்மை வெளியே வர வேண்டும் என்ற கோரிக்கை எதிர்க்கட்சிகள் மற்றும் சமூக வலைதளங்கள் மூலம் வலுத்து வருகிறது.
குஜராத் மாநிலம் சூரத் நகரில் அஜ்மல் மற்றும் ஃபைசான் என்ற இரு சிறுவர்கள் கத்தியால் தாக்கப்பட்டு உயிரிழந்த துயர சம்பவம்…
உத்தரப் பிரதேச மாநிலம் பிஜ்னோர் மாவட்டத்திலுள்ள ஜலால்பூர் சோயா கிராமத்து வயல்வெளியில், கடந்த ஞாயிற்றுக்கிழமை மாலை நாணல் புதர்களுக்கு நடுவே…
பெங்களூரு இந்திரா நகர் 100 அடி சாலையில் உள்ள பிரபல ஷூ மற்றும் பேக் பழுதுபார்க்கும் கடையில் 23 வயதான…
உத்தரப் பிரதேசத்தின் ஃபிரோசாபாத் தர்காபூர் பகுதியில் சிறுமி நிஷா கதேரியாவுக்கு நேர்ந்துள்ள கொடூர மரணம் கடும் அதிர்ச்சியையும் வேதனையையும் ஏற்படுத்தியுள்ளது.…
ராஜஸ்தானின் ஜலோர் மாவட்டத்தில் உள்ள புகழ்பெற்ற சுந்தா மாதா மலைக் கோயில் வளாகத்தில், பெண் பக்தர்களிடம் சிலர் தகாத முறையில்…
குஜராத் மாநிலத்தில் சாலையோர நடைபாதையில் ஓய்வெடுத்துக் கொண்டிருந்த குடும்பத்தினர் மீது அதிவேகமாக வந்த டொயோட்டா ஃபார்ச்சூனர் கார் மோதியதில், தாயும்…