திடீர் திருப்பம்… 2026-ல் கூட்டணி இல்லை… டிடிவி தினகரன் பரபரப்பு அறிவிப்பு…!

தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. அதேசமயம் கூட்டணி குறித்த பேச்சு வார்த்தையும் மும்முரமாக நடந்து கொண்டிருக்கிறது. பாஜகவுடன் கூட்டணி வைத்துள்ள அதிமுக பல்வேறு சிக்கல்களை தொடர்ந்து சந்தித்து வருகிறது. பாஜகவுடன் இ பி எஸ் கூட்டணி வைத்திருப்பதால் அதிமுக கட்சி நிர்வாகிகள் பலரும் அதிருப்தியில் உள்ளனர். அதன் வெளிப்பாடாக சமீபத்தில் செங்கோட்டையன் பிரிந்து சென்றவர்களை மீண்டும் ஒருங்கிணைக்க இபிஎஸ்-க்கு கெடு விதித்திருந்தார்.

ஆனால் அதற்கு அடுத்த நாளே செங்கோட்டையனை கட்சியிலிருந்து அதிரடியாக நீக்கி இபிஎஸ் உத்தரவிட்டார். இதனைத் தொடர்ந்து ஓபிஎஸ், சசிகலா மற்றும் டிடிவி தினகரன் என அனைவருமே மீண்டும் அதிமுக ஒன்றிணைய வேண்டும் என்று தொடர்ந்து கூறி வருகிறார்கள். ஆனால் அதற்கெல்லாம் ஈபிஎஸ் இடம் கொடுக்காமல் தன்னந்தனி ஆளாக நின்று அதிமுகவை வழிநடத்தி வருகின்றார்.

இந்நிலையில் இபிஎஸ் முதல்வர் வேட்பாளராக இருக்கும் வரை அதிமுக அங்கம் வகிக்கும் NDA உடன் கூட்டணி இல்லை என்று டிடிவி தினகரன் கூறியுள்ளார். தஞ்சையில் செய்தியாளர்களை சந்தித்து பேசிய அவர், 2026 சட்டமன்ற தேர்தலில் AMMK இடம்பெறும் கூட்டணி தான் வெற்றி வாகை சூடும் என ஆருடம் தெரிவித்தார். மேலும் ஜெயலலிதாவின் பாணியை பின்பற்றி விஜய் பிரச்சாரம் செய்வதாக கூறப்படுவது தங்களது கட்சியினருக்கு பெருமை எனவும் தெரிவித்துள்ளார்