திகிலூட்டும் காட்சி..! பெருக்கெடுத்து ஓடிய ஆற்று வெள்ளம்.. பாலத்தை கடந்த லாரி… அடுத்த நொடியே நடந்த பயங்கரம்..!!

ஒடிசா மாநிலம் சுந்தர்கர் மாவட்டத்தின் சஹாஜ்பஹால் பகுதியில் சஃபாய் ஆற்றின் மீது பாலத்தைக் கடக்கும்போது ஒரு டிரெய்லர் லாரிவெள்ளத்தில் அடித்துச் செல்லப்பட்டது. இந்த கொடூரமான சம்பவத்தை அங்கிருந்தவர்கள் வீடியோவாக எடுத்துள்ளார்கள். சம்பவம் நடந்தபோது ஆற்றில் வெள்ளம் பெருக்கெடுத்து ஓடியது. அதிக வெள்ளப்பெருக்கு இருந்தபோதிலும், லாரி ஓட்டுநர் தனது வாகனத்தை ஓடையில் செலுத்திய போது இந்த விபத்தானது ஏற்பட்டுள்ளது.

சிறிது காலமாக அந்தப் பகுதியில் கனமழை பெய்து வருவதால், சஃபாய் ஆற்றில் அதிக வெள்ளப்பெருக்கு ஏற்பட்டுள்ளதாக தகவல்கள் தெரிவிக்கின்றன. வெள்ளத்தில் மூழ்கிய பாலத்தைக் கடக்கும்போது லாரி ஆற்றில் விழுந்தது. இந்த சம்பவத்தில் லாரி ஓட்டுநர் சுஜீத் ஐந்த் காணாமல் போயுள்ளார். உதவியாளர் அவினாஷ் பராலா உடனடியாக மீட்கப்பட்டார். விபத்து நடந்த உடனேயே, உள்ளூர்வாசிகள் சம்பவம் குறித்து காவல்துறை மற்றும் தீயணைப்புத் துறையினருக்குத் தகவல் அளித்தனர். காணாமல் போன ஓட்டுநரைக் கண்டுபிடிக்க மீட்புப் பணிகள் தொடங்கப்பட்டன. ஆனால் இன்னும் அதிகாரப்பூர்வ அறிக்கைகள் எதுவும் இல்லை.