“ஐ.பி.எஸ் அதிகாரிகளின் காதல்…” காவல் துறையில் தொடரும் பாலியல் சர்ச்சை… திருமணத்திற்குப் பிறகு மிரட்டிய பெண் அதிகாரி… உயர் நீதிமன்றத்தின் அதிரடி உத்தரவு…!

தெலங்கானா காவல்துறை அகடாமியில் பயிற்சி பெற்று வந்த பெண் ஐ.பி.எஸ் அதிகாரி அளித்த பாலியல் தொல்லை புகாரின் அடிப்படையில், கர்நாடகப் சேர்ந்த பயிற்சி ஐ.பி.எஸ் அதிகாரி உதய்கிருஷ்ணா ரெட்டி மீது வழக்குப்பதிவு செய்யப்பட்டு உள்துறை அமைச்சகத்தால் சஸ்பெண்ட் செய்யப்பட்டார். இதற்கிடையே, தன் மீதான வழக்கை ரத்து செய்யக்கோரி உதய்கிருஷ்ணா ரெட்டி தெலங்கானா உயர் நீதிமன்றத்தில் தாக்கல் செய்துள்ள மனு பெரும் அதிர்லையை ஏற்படுத்தியுள்ளது.

அந்த மனுவில், தம்மீது சுமத்தப்பட்டுள்ள புகார்கள் முற்றிலும் பொய்யானவை என்றும், புகார் அளித்த பெண் அதிகாரியும் தாமும் கடந்த சில மாதங்களாகக் காதலித்து வந்ததாகவும் அவர் தெரிவித்துள்ளார். திருமணத்திற்குப் பிறகு அந்தப் பெண் அதிகாரி வேறொருவருடன் தொடர்பில் இருந்ததாகவும், பழைய உறவைத் தொடர அவர் கட்டாயப்படுத்தியதை தான் மறுத்ததால் பழிவாங்கும் நோக்கில் இந்தச் சதித் திட்டம் தீட்டப்பட்டுள்ளதாகவும் அவர் குற்றம் சாட்டியுள்ளார்.

எளிய பின்னணியில் இருந்து கான்ஸ்டபிள் பணியிலிருந்து கடின உழைப்பால் ஐ.பி.எஸ் அதிகாரியாக உயர்ந்த உதய்கிருஷ்ணா ரெட்டியின் இந்தத் தரப்பு விளக்கம் தெலங்கானாவில் பெரும் விவாதத்தை ஏற்படுத்தியுள்ளது. இந்த விவகாரத்தில் காவல்துறையினரிடம் உயர் நீதிமன்றம் விளக்கம் கோரியுள்ள நிலையில், இரு தரப்பு வாதங்களும் காவல்துறை வட்டாரத்திலும் பொதுவெளியிலும் பரபரப்பாகப் பேசப்பட்டு வருகிறது.