கார்ப்பரேட்க்கு குட் பாய்… “ஆற்றில் ஒரு கால், சேற்றில் ஒரு கால் வைக்காதீங்க… “என்னை நம்பி தைரியமா வாங்க…” பாத்துக்கலாம்… பிரபல நடிகரின் ‘ஒரு வார்த்தை’… மொத்தமாக மாறிய வாழ்க்கை…!

தனுஷ் இயக்கத்தில் வெளியான ‘நிலவுக்கு என் மேல் என்னடி கோபம்’ படத்தின் மூலம் திரைத்துறையில் அறிமுகமானவர் ரம்யா ரங்கநாதன். இப்படம் எதிர்பார்த்த வெற்றியைப் பெறவில்லை என்றாலும், இதில் ரம்யாவின் நடனமும் நடிப்பும் ரசிகர்களிடையே பெரும் வரவேற்பைப் பெற்றது. அதனைத் தொடர்ந்து, பாரி இளவழகன் இயக்கத்தில் இவர் கதையின் நாயகியாக நடித்த ‘அன்பே டயானா’ திரைப்படம் சமீபத்தில் வெளியாகி மிகப்பெரிய வெற்றியைப் பெற்றது. இப்படத்தில் ஆங்கிலோ-இந்தியப் பெண்ணாகத் துணிச்சலாக நடித்து அனைவரின் பாராட்டுகளையும் பெற்ற ரம்யா, கோலிவுட்டின் வளர்ந்து வரும் முக்கிய நடிகையாகப் பார்க்கப்படுகிறார்.

சமீபத்திய பேட்டி ஒன்றில் தன் சினிமா பயணம் குறித்துப் பேசியுள்ள ரம்யா, தான் ஒரு கார்ப்பரேட் நிறுவனத்தில் நிலையான வேலை பார்த்து வந்ததாகத் தெரிவித்துள்ளார். தனது நடனத் திறமையைக் கண்டறிந்த நடிகர் தனுஷ், தமக்கு ‘நிலவுக்கு என் மேல் என்னடி கோபம்’ படத்தில் வாய்ப்பளித்ததாகவும், படப்பிடிப்பின் போது அவர் அருகில் நின்று தமக்கு வழிகாட்டியதாகவும் பெருமிதத்துடன் குறிப்பிட்டுள்ளார். முதல் படம் முடிந்த பிறகு அடுத்து என்ன செய்வது என்ற குழப்பத்தில் இருந்த தனக்கு, தனுஷ் கொடுத்த ஊக்கமே மிகப்பெரிய திருப்புமுனையாக அமைந்ததாக அவர் நெகிழ்ச்சியுடன் பகிர்ந்துள்ளார்.

மாதா மாதம் நிலையான வருமானம் தந்து கொண்டிருந்த கார்ப்பரேட் வேலையை விடுவது குறித்துத் தயங்கிய ரம்யாவிடம், நடிகர் தனுஷ், “என்னை நம்புங்கள், உங்களுக்கு சினிமாவில் பெரிய எதிர்காலம் இருக்கிறது; ஆற்றில் ஒரு கால், சேற்றில் ஒரு கால் வைக்காதீர்கள், தைரியமாக என்னை நம்பி வாருங்கள்” என்று நம்பிக்கை ஊட்டியுள்ளார். தனுஷின் அந்த ஒற்றை வார்த்தையை நம்பி தனது வேலையைத் துறந்து முழுமையாக சினிமாவில் இறங்கியதாகவும், அந்த தைரியமான முடிவுதான் இன்று தன்னை அடுத்த கட்டத்திற்கு அழைத்துச் சென்றுள்ளதாகவும் ரம்யா மகிழ்ச்சியுடன் தெரிவித்துள்ளார்.