முதல்ல இத படிங்க..! வீட்ல சின்ன பசங்க இருக்காங்களா?… குளிக்கச் சென்ற இடத்தில் காத்திருந்த மரணம்… சடலமாக மீட்கப்பட்ட 3 சிறுவர்கள்…!!

கர்நாடக மாநிலம் சிக்கமகளூரு மாவட்டத்தில் பெரும் சோகத்தை ஏற்படுத்தும் விதமாக ஒரு துயர சம்பவம் நடைபெற்றுள்ளது. அப்பகுதியைச் சேர்ந்த தருண், புவன் மற்றும் லிகித் ஆகிய 12 வயதுடைய மூன்று சிறுவர்கள் வெவ்வேறு பள்ளிகளில் ஆறாம் வகுப்பு பயின்று வந்தனர். பெற்றோர்கள் வீட்டில் இல்லாத சமயத்தில் இவர்கள் மூவரும் ஒன்றாக சேர்ந்து அங்குள்ள சிக்ககெரே ஏரிக்கு குளிக்கச் சென்றுள்ளனர்.

ஏரியில் இறங்கி விளையாடிக் கொண்டிருந்த சிறுவர்கள் எதிர்பாராத விதமாக தண்ணீரின் ஆழமான பகுதிக்குச் சென்றுள்ளனர். அவர்களுக்கு நீச்சல் தெரியாத காரணத்தினால், மூவரும் தண்ணீரில் மூழ்கி பரிதாபமாக உயிரிழந்தனர். இது குறித்த தகவலறிந்த தீயணைப்புத் துறையினர் மற்றும் மீட்புக் குழுவினர் விரைந்து வந்து ஏரியில் தேடுதல் வேட்டை நடத்தி மூன்று மாணவர்களின் உடல்களையும் மீட்டனர். இந்தச் சம்பவம் தொடர்பாக புறநகர் காவல்துறையினர் வழக்குப்பதிவு செய்து விரிவான விசாரணையை மேற்கொண்டு வருகின்றனர்.