2026 தமிழக சட்டமன்றத் தேர்தலை அதிமுக கூட்டணியில் இணைந்து எதிர்கொள்ளும் பாரதிய ஜனதா கட்சியின் தேர்தல் அறிக்கையை (தாமரை வாக்குறுதி), அக்கட்சியின் முன்னாள் தேசியத் தலைவர் ஜெ.பி. நட்டா இன்று சென்னையில் வெளியிட்டார். தேர்தல் அறிக்கையில் இடம்பெற்றுள்ள 13 முக்கிய அம்சங்கள் இதோ:
-
குடும்பத் தலைவிகளுக்கு மாதந்தோறும் ₹2,000 உதவித்தொகை மற்றும் ஒவ்வொரு குடும்பத்திற்கும் ஒருமுறை ₹10,000 நிதியுதவி வழங்கப்படும்.
-
ஆண்டுக்கு 3 விலையில்லா எரிவாயு சிலிண்டர்கள் பொங்கல், தமிழ்ப் புத்தாண்டு மற்றும் தீபாவளி பண்டிகைகளின் போது வழங்கப்படும்.
-
பெண்கள் பாதுகாப்புக்காக ‘ஜீரோ-எப்ஐஆர்’ முறை, சிறப்பு விரைவு நீதிமன்றங்கள் மற்றும் கல்வி நிறுவனங்களில் 100% சிசிடிவி கேமராக்கள் பொருத்தப்படும்.
-
பெண்கள் நடத்தும் குறுந்தொழில் நிறுவனங்களுக்கு ₹50 லட்சம் வரை வட்டியில்லா கடன் மற்றும் அரசு கொள்முதலில் 20% இட ஒதுக்கீடு வழங்கப்படும்.
-
முருகப் பெருமானின் பெருமையைப் போற்றும் வகையில் தைப்பூசத் திருநாள் மாநில விழாவாக அதிகாரப்பூர்வமாக அறிவிக்கப்படும்.
-
திருப்பரங்குன்ற மலை உச்சியில் கார்த்திகை தீபம் ஏற்றும் பாரம்பரியம் மீண்டும் தொடங்கப்பட்டு நிரந்தரமாகப் பாதுகாக்கப்படும்.
-
போதைப்பொருளை ஒழிக்கத் தனி அமைச்சகம் அமைக்கப்படுவதோடு, கடத்தல் கும்பல்களுக்கு மரண தண்டனை கிடைக்க நடவடிக்கை எடுக்கப்படும்.
-
‘உழவே தலை’ திட்டத்தின் கீழ் விவசாயிகளுக்கு ஆண்டுக்கு மொத்தம் ₹19,000 நிதியுதவி மற்றும் பருத்தி அரைக்கும் ஆலைகள் நிறுவப்படும்.
-
தமிழகத்தின் 10 நகரங்கள் இந்தியாவின் முதல் 100 தூய்மையான நகரங்கள் பட்டியலில் இடம்பெறச் செய்ய நடவடிக்கை எடுக்கப்படும்.
-
12-ஆம் வகுப்பு மாணவர்களுக்கு செயற்கை நுண்ணறிவு (AI) மற்றும் ரோபாட்டிக்ஸ் துறைகளில் பிரத்யேக வாராந்திரப் பயிற்சிகள் வழங்கப்படும்.
-
முதன்முறை தொழில் தொடங்கும் 2,000 இளைஞர்களுக்கு 5 ஆண்டு காலத்திற்கு ₹15 லட்சம் வரை வட்டியில்லா கடன் வழங்கப்படும்.
-
தகுதியுள்ள பெண்களுக்கு மின்சார இருசக்கர வாகனங்கள் (e-scooters) வாங்குவதற்கு ₹25,000 மானியம் வழங்கப்படும்.
-
‘திருக்கோவில் நித்ய பூஜை தொகுப்புத் திட்டம்’ மூலம் கோயில்களுக்கு மாதந்தோறும் அத்தியாவசியப் பொருட்களும், ஆண்டுக்கு ₹25,000 பராமரிப்பு நிதியும் வழங்கப்படும்.