தக்காளியா “நோ”… கிடுகிடுவென்று உயர்ந்த காய்கறிகளின் விலை… என்ன காரணம்…?

மழைக்காலம் வந்தாலே காய்கறிகளின் விலை தாறுமாறாக ஏறிவிடும். ஆனால் தற்போது மழைக்காலம் நன்றாக ஆரம்பிக்கும் முன்னரே காய்கறி விலை கிடுகிடுவென்று ஏறியிருக்கிறது. இல்லத்தரசிகள் எல்லாம் என்ன செய்வது என்று யோசித்துக் கொண்டிருக்கின்றனர். தக்காளியா நோ நோ என்று சொல்கிற அளவுக்கு விலை ஏறி இருக்கிறது.

இதற்கு காரணம் என்னவென்றால் சரியாக காய்கறிகளின் வரத்து குறைந்தது தான் என்று கூறப்படுகிறது. தக்காளியின் விலை சென்னை கோயம்பேட்டில் தற்போது அறுபது ரூபாயில் இருந்து 100 ரூபாய் வரை விற்பனையாகிக் கொண்டிருக்கிறது. இது மட்டுமில்லாமல் பச்சை காய்கறிகள் பீன்ஸ் போன்றவையின் விலையும் ஏறி இருக்கிறது.

வரும் நாட்களில் மழை ஆரம்பம் ஆவதால் தக்காளியின் விலை இன்னும் உயரும் என்று வியாபாரிகள் கற்று தெரிவித்து இருக்கின்றனர். இன்றைய நிலவரப்படி சென்னை கோயம்பேட்டில் பீன்ஸ் 110 ரூபாய் வரையிலும் வெங்காயம் ₹60 உருளைக்கிழங்கு 36 ரூபாயும் சின்ன வெங்காயம் ஐம்பது ரூபாயும் ஊட்டி கேரட் நாப்பது ரூபாயிலும் முருங்கைக்காய் 60 ரூபாய்க்கும் பச்சை பட்டாணி 230 ரூபாய்க்கும் விற்கப்படுகிறது.

இதை விட சில்லறை விற்பனையாளர்களிடம் சற்று கூடுதலாகவே விலை இருக்கிறது. இதனால் மக்கள் பெரிதும் கவலை அடைந்து இருக்கின்றனர். மழை காரணத்தால் தக்காளியை போலவே வெங்காயமும் விலை கிடுகிடு என்று உயர்ந்து விடும். இருந்தாலும் அத்தியாவசிய பொருட்களை வாங்கத்தானே வேண்டும் என்று மக்கள் புலம்புகின்றனர்.