தமிழ்நாட்டில் இன்று (ஏப்ரல் 14) தங்கம் விலை அதிரடியாக உயர்ந்து சவரன் ரூ.1,13,000-ஐத் தாண்டியுள்ளது. கடந்த சில நாட்களாக ஏற்ற இறக்கத்துடன் காணப்பட்ட தங்கத்தின் விலை, இன்று ஒரே நாளில் சவரனுக்கு ரூ.1,280 உயர்ந்துள்ளது பெரும் அதிர்ச்சியை ஏற்படுத்தியுள்ளது. நேற்று ஒரு சவரன் ஆபரணத் தங்கம் ரூ.1,12,480-க்கு விற்பனையான நிலையில், இன்றைய விலை உயர்வுக்குப் பின் ரூ.1,13,760-க்கு விற்பனை செய்யப்படுகிறது.
அதேபோல், கிராமுக்கான விலையிலும் கணிசமான உயர்வு காணப்படுகிறது. நேற்று ஒரு கிராம் தங்கம் ரூ.14,060-க்கு விற்பனையான நிலையில், இன்று ரூ.160 உயர்ந்து ரூ.14,220-ஆக நிர்ணயிக்கப்பட்டுள்ளது. சர்வதேச சந்தையில் நிலவும் பொருளாதார மாற்றங்கள் மற்றும் தேவைகள் அதிகரிப்பு காரணமாகத் தங்கத்தின் விலை தொடர்ந்து உச்சத்தை நோக்கிச் செல்வதால், நகை வாங்குவோர் மற்றும் இல்லத்தரசிகள் மிகுந்த கவலை அடைந்துள்ளனர்.